كلمات اغنية صقور الجزيرة أداء خالد ال بريك، بتوصف معاني الفخر والاعتزاز بالنفس وبالأصول العريقة، وبتحكي عن قوة العزيمة اللي بتدفع الإنسان لتحقيق طموحاته مهما كانت الصعوبات، عبارة عن ملحمة حماسية بتكشف عن شجاعة وكرم رجال قبيلة الدواسر في مواقف الشدة.
كلمات شيلة صقور الجزيرة خالد ال بريك
ساري البارق يهيّض للهواوي رشّ ديمة
هاجس الشعر السناوي خاطب البرق السناوي
عانق المزنة خيالي وابتدت فكرة عظيمة
جادلٍ تلبس من عيون القصايد ثوب غاوي
لي ثلاث أيّام والأفكار في راسي مقيمة
تتطّبخ منها الخلايا داخل الراس الحماوي
لو أشوف إنّ الليالي حالها دايم عتيمة
الشغف في داخلي نوره على دنياي ضاوي
بين سجّات الدروب المايلة والمستقيمة
أدفع عزومي على الأحلام وأحثّ الخطاوي
والله إنّ كبدي من ظروف الزمن صارت محيمة
ياللّه إنّك لا تخيّب للهقاوي والرجاوي
العمر دون الطموحات الكبيرة دون قيمة
والمناوي ما تجي من دون تطلب للمناوي
ما أعترف بالمستحيلة دام تدفعني عزيمة
الغنايم بالعزايم حكمة الراس الفداوي
أتغيشّم للغشيم اللي تذاكى مع غريمه
وأتعامى في وجيه الخلق لو ماني عماوي
بين لذّات انتصار وبين خيبات الهزيمة
التفاصيل الدقيقة وقعها ما هو بياوي
لو يجور الوقت نيّاتي على الدنيا سليمة
حافظٍ كلّ المبادي في زمن كلّه بلاوي
كلّ ما مرّت على بالي من الذكرى القديمة
ودّي أسري للدروب الموحشة كنّي جلاوي
لا نتخت اللي يهيّضني على قطع الخريمة
أبيضٍ دقّة سويكه طبّ للقلب الشقاوي
منوة اللي يدفعه شوقه على شوفة نديمه
وارد بريمي عماني ما هو بوارد عراوي
ماخذٍ من خدّ ديم وماخذٍ من عين ديمة
ماخذٍ من زول شيخة تعتزي يوم العزاوي
كنّ في محجر عيونه ندّر أحجارٍ كريمة
والعلامة من ذهب أبيض على عنق المهاوي
لا قعدت أطوي درقسونه وأنا كبدي محيمة
قمت أغنّي يا جميلة قام يطوي الحال طاوي
ودّك إنّه ما يشغّل فيه يا مال الغنيمة
غير شيلة خالد آل بريك في جوٍّ خلاوي
دوسريٍّ يصنع الإبداع من دافع صميمه
وبالمراجل دايم فعوله تعدّا للهقاوي
والدواسر هم هل الوقفة والأمجاد العظيمة
ياقف التاريخ لجل الدوسري للعزّ راوي
منهم اللي في عزّ وفيه جود وفيه شيمة
فالخصال اللي كسبها ساطعٍ نجمه سماوي
يرتكي وقت الشدايد ويتراكا شداد ريمه
يلبس الأمجاد كنّه لابس البشت الحساوي
صاحب العقل الرزين وصاحب اليمنى الكريمة
راعي القلب الشجاع وراعي الصيت الغناوي
وسط راسه تكمن الجزلات والأرياء الحكيمة
والفعول الطيّبة دايم لها سيله نحاوي
طاري محمّد بن عجيان تذبح له وليمة
سيرته من طيبها ما كنّها إلا عود جاوي
يحتزم بإخوانه رجال المواقيف الجسيمة
الزحول اللي تورّدها على العدّ الرهاوي
ماكر صقور الجزيرة والصواريم العديمة
كلّ منهم هدّته لا من دعت هدّة نداوي
آل كتاب أهل الجزالة والوجاهة والعزيمة
هم هل الشدّات لا من حانت كبار الدعاوي
المصارير الدواهي المصارير الشكيمة
هم هل العشر الركايب هم مزبّنت الجلاوي
للخويّ عزّ وحزام وللخصم نار وجحيمة
الشجاعة والطناخة ما ذكر فيهم دناوي
الدواسر من زبنهم بالزمن ما حدٍ يضيمه
السيادة عادتن فيهم بعيدين الحراوي
مجد خطلان الأيادي من سنواتٍ قديمة
يوم سرحان بعلاوي نجدٍ بالضلعان عاوي
كلّ دربٍ من دروب العزّ نالوا به غنيمة
هم هل البل قبل يبلاها من العربان شاوي
الصياهد من سطرهم مصبحٍ مسرح جريمة
المزاين عندهم كنّه من أيّام الغزاوي
لا تقدّم فيهم المطنوخ ما يرحم خصيمه
ما يصدّ ولا يحيد ولا يذلّ ولا يراوي
من تحدّاهم على الطالة نهاياته وخيمة
يبشر بجرحٍ ما يلقى له على الدنيا مداوي
شيلة صقور الجزيرة – خالد ال بريك
Saqour Al Jazeera – Khaled Al Breik
كلمات: أحمد الجويدي
المزيد من شيلات خالد ال بريك
قنيب الذيب
طال ليل اللي يلد العين
انسام الهبايب
طرف الليل
اصعب قرار