كلمات شيلة سمي العود للفنان جفران بن هضبان بمناسبة حفل زفاف سحمي بن عبدالله الرويبي بتجسد الفخر والعزة، وبتحكي عن مكانة العائلة وقوة الانتماء للجذور. شيلة سمي العود فيها مشاعر حماسية وكلمات بتعبر عن الوفاء والتقدير، وكأنها احتفال بالمجد والتقاليد العريقة اللي بتعيش في القلوب.
كلمات شيلة سمي العود جفران بن هضبان
الشّعور اللّي ضحاياه السّعادة والكتابه
مستحيل أنّه يمرّ إلّا لشاف اللّيل ضاوي
من كثر مانيب أعاني من عناه ومن صوابه
الوقاية منه ماتنفع ولا طبّ المداوي
العتب من واحدن ماهوب يعنيني عتابه
لو أحطّ الصّفر جنب الصّفر يعني كم يساوي
مايطيب البال وأخذ من سعة صدري رحابه
لين أجي في ديرت الغلباء وفي ذيك الحراوي
لاعبيني واسجعي بالصّوت يابنت السّحابة
أنا شاعر لو أجيب العيد ما طحت امتساوي
إن قدرت أخفي عن عيون الأدب عين الرّقابة
ماقدرت أسوق رجلي من ورى ضايع وغاوي
الولد كانّه ماجاب ونعم دامه في شبابه
وش يفيده كلّ ما هبّ الهوى على الهواوي
حيّ صوت اللّي ينادي بالضّيوف ومرحبابه
مرحبا باللّي يشيل الحمل والعد الرّهاوي
ابن عمّ وسيرته عطره ورمز ودرع لأبه
دون ربعه لا يحنّ ولا يروف ولا يراوي
إن تكلّم علّم الحضّار عن فنّ الخطابه
وإنّ تقدّم ماتقدّم غير لكبار الدّعاوي
هذا عبدالله ولد سحمي واسم سحمي مهابه
شايبن راسه يفوح فعول طيّب وعود جاوي
ياسمي العود من بينك ومن بينه تشابه
أنت ترثة ربعي اللّي مايقاويها مقاوي
عن شري يوم القصير يصيح من شيٍ لجابه
مابقى للطّاغي إلّا كسر وأحزان وبلاوي
دايم إلاد الرّويبي والفخر تملى كتابه
ودايم الاد الرّويبي مسند أكبار الهقاوي
عزوتن ماتنتج إلّا حرّ صيد وليث غابه
للعداء وأمرهم الله كنّهم الآمر السّماوي
إن تقدّمنا على الأخصام في يوم الحرابه
عوّد القايد يقاد وعود الوبّال شاوي
اسمنا الغلباء ملاذ اللّي يعاني من مصابه
مايضيق اللّي زبن ف أطرف مزبنت الجلاوي
من نصانا يدري إنّ السّيف عزّه من نصابه
ومن يخاوينا عرف وش قيمة أعرف من تخاوي
من تعزّوى في سبيع الضّيق مايحسب حسابه
بشّره بالوقفة اللّي تعبّت كاتب وراوي
الشّموخ اللّي على راس الفخر مثل العصابة
والكيان اللّي عروشه ما تزعزها العزاوي
إن زعلنا مابقى للشّرّ شيٍ يندعابه
من يعيش المرحله هذي قضى عمره شقاوي
وإنّ رضينا والزّعل عنّا رحل وانصكّ بابه
يبتسم وجه الزّمن ويش أنت يامبسم مضاوي
شيلة سمي العود – جفران بن هضبان
Sami Al Oud – Jafran Bin Hadban
كلمات: ناصر بن مفلح الرويبي
المزيد من شيلات جفران بن هضبان
شيلة حرب الحرايب – جفران بن هضبان
شيلة يالاد ضاوي – جفران بن هضبان
شيلة الخليفي – جفران بن هضبان
شيلة قل للحكومة – جفران بن هضبان