في أغاني كده بتخبط في القلب من كتر ما هي حقيقية. كلمات اغنية سمك زينة لجنات من النوع ده بالظبط. اغنية درامية وحزينة جدًا بتوصف إحساس إن قيمتك مجرد شكل خارجي وبس. عشان كده حبيت أجمع لكم كلماتها مكتوبة. اتفضلوا الكلمات.
كلمات اغنية سمك زينة – جنات
صوت ضحكتي
بقى صوت حزين متشتّتة
حبّة مشاعر عايشة ليك وأنا ميّتة
بالعين تشوف جوايا خوف
ساكن في قلبي سكون مطر
جوّه الشّتا
عمرك لقيت إنسانة ساذجة كلّ ده
من كتر ما انجرحت بقيت متعودة
من برّة زينة والرّوح حزينة
ماشية لهلاكها برجلها متعمّدة
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا
مجروحة والظّاهر جروحي مطوّلة
خسرانة من كلّ اتّجاه ومكمّلة
أنا ماشية ليه في السكّة دي
مش عارفة أنا بأمارة إيه مستحملة
ده أنا قبل منك
كان فاضلي جناح وأطير
وأديني جنبك طير بجدّ لكنّ أسير
بقى ده جزائي
على قلب باقي
شيّالك في عيني
تشيلني ع الرّفّ الأخير
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا
اغنية سمك زينة – جنات
Jannat – Samak Zena
المزيد من أغاني جنات
الوعود
اغلط
مبسوطين
من الليلة
صبري طال