كلمات اغنية سلملي على اللي حبوا لمريم القزاز بتعبر عن ألم الخذلان والخيانة في الحب. الأغنية بتوصف مشاعر الندم والخيبة بعد ما قدمت كل حاجة في العلاقة وانتهت بخداع كبير. الكلمات فيها مواجهة صريحة للحقيقة، مع لمسة ساخرة توضح إزاي التجربة دي بقت درس مهم. أسلوب اغنية سلملي على اللي حبوا بسيط وبيوصل إحساس بالقوة مع تعلم من الأخطاء.
كلمات اغنية سلملي على اللي حبوا مريم القزاز
المشكلة فين في إنّي حبّيت
وفي مشاعري كنت فِرطة وإهتمام إديت
لأ و إستغبيت
جريت و حسّيت
بقلب كامل مش بنصّ وآخرتها إتنسيت
يعنى كلّه طلع ده هري
وإنّى بجري مكاني جري
أيوة أصلي كنت ساذجة
كنت فاكرة إنّي جامدة وأتاريني إتعميت
سلّملي على اللّي حبّوا
وعلى الشارع اللّي جنبه
سلّملي على اللّي اتخانوا
واللّي إتباعوا واللّي إتكرفوا
سلّملي على المحبّة
والدحلبة حبّة حبّة
واللّي خدونا لحم رمونا كده عضم
و 100 وش استخبى
كلّها ديا دروس وأنا خدت شهادات
عمري تاني ما هدّي بس المعاملة خد وهات
يا سواد النفوس بكفاية صدمات
مش هشوف أنا تاني غيري
مش ناقصة حوارات
قلبي مغلق للصيانة
لسّه جرد كتير معانا
للّي وعدوا في لحظة بعدوا
واللّي وجعوا واللّي خدعوا
أنا هعمل ديليت
سلّملي على اللّي حبّوا
وعلى الشارع اللّي جنبه
سلّملي على اللّي اتخانوا
واللّي إتباعوا واللّي إتكرفوا
سلّملي على المحبّة
والدحلبة حبّة حبّة
واللّي خدونا لحم رمونا كده عضم
و 100 وش استخبى
اغنية سلملي على اللي حبوا – مريم القزاز
Maryam AlKazzaz – Salemly Ala Elly Habbo
كلمات: محمد رسلان
الحان: محمد رسلان
توزيع: بيشو جميل
المزيد من أغاني مريم القزاز
كلمات اغنية احلى الاوقات – مريم القزاز