كلمات اغنية صدقني لـ مروان موسى من ألبوم “الرجل الذي فقد قلبه” بتوصف رحلة من التفكير العميق والصراع النفسي. الأغنية بتجمع بين كلمات جريئة ولغة الراب اللي بتعكس الواقع بمزيج من الفلسفة والمشاعر المتخبطة. بتتكلم عن المواجهة مع الذات ومحاولة استيعاب الحياة وسط التغيرات والتحديات. لو بتحب الأغاني اللي فيها عمق وتأمل، اغنية مروان موسى “صدقني” هتشد انتباهك بقوة.
كلمات اغنية صدقني مروان موسى
لو قولتلك مش هتصدّقني
لو وريتك ممكن تسقّفلي
ربع ثانيه أو نصّ العمر
نفس الكلام بس مش نفس العمق
حزام ناسف
قبل كلمة آسف
مش عارف انام
قاعد بتحاسب
عامل مش شايف
أمير الظلام
فاضل دقايق
ع الاصطدام
القرار مش صعب أنا بماطل مع نفسي بتباطئ
مستحرم اوصل للفضاء واقوم ناطط
المفروض اغيّر ديكور
المفروض ازوّد إضاءة
المفروض أفوّر اليوم
المفروض ماعيدش نفس الغلطة مرّتين
الشهوة سايقة بغشامة
شويّة شقاوة مايضرّش
بس مش كده بتتغابى
وعدت نفسي وخالفت
المفروض مكذبش عليّا
تقولش براوغ الباك
لاممني الرايحة والجاية
لا هنا انت ولا هناك
بتخترع سيناريوهات
بتهوّن الامواج
وشراعها مش على هواك
احنا مش زيّ زمان
الوقت بيجري بجنان
لمّا تسألك مالك اكذب وقول لها تمام
طب ما أنا فعلا تمام
لا انت فعلا غلبان
المفروض البني آدم بيحسّ ف عقله بأمان
وانت مش كده انت العكس
معظم مشاعرك في الحبس
وربع خدش في حساسيّة تسيب الجيم مابتلعبش
ماهو اللّي بتشوفه العين
مش هو اللّي على الداخل
بس اللّي تقوله دلوقتي
هحاسبك عليه في الآخر
زيّ مشاريب بتتطلب
فيه ألاعيب بتتلعب
بتقول بستحمّل عواصف
وف خماسين بتتخمّد
هديلك آخر فرصة تقول
بس بصراحة المرّادي
بقولك نقعد قعدة صفا
بس انت اللّي مش راضي
عايزين نغيّر
فا محتاجين ندوّر
عايزين نعدّي
فا محتاجين نطوّر
الجيم ده باظ
فا عايزين نعيد من الأوّل
مافيناش طاقة لبكرا
بس فينا نتصوّر
احكيلي بقى عامل إيه
بصّ يا مروان في مفهوم اسمه
خمس مراحل الحزن
أوّل مرحلة هي مرحلة الإنكار
اغنية صدقني – مروان موسى
Marwan Moussa – SADA2NY
كلمات: مروان موسى
توزيع: حاتم و مروان موسى
المزيد من أغاني مروان موسى
اغنية بائس – مروان موسى
اغنية سامعاك – مروان موسى ودنيا وائل
اغنية طيش شباب – مروان موسى
اغنية إيه إيه ده – مروان موسى
اغنية شواف – مروان موسى