كلمات اغنية ريحة غيابك غناء ليل المحمدي، بتحكي عن غياب خانق مالي الهوا، وعِشرة سنين دفا بقت تفاصيل بتوجع ومابتعدّيش بسلام. بتوصف بحثه عنها في وشوش الناس، وأغاني بتكرر الوداع، ولوم بينه وبين نفسه. وفي الآخر بتسيب حنين تقيل وأسئلة بتسهر.
كلمات اغنية ريحة غيابك – ليل المحمدي
ريحة غيابك في الهوا خانقة المكان
ما كنش بينا حبّ بسّ ده كان وكان
عِشرة سنين دفا وحنين وحاجات كتير
تفاصيل ما بتعدّيش على قلبي بسلام
عدّى وقت كبير ولسه مش ناسيكي
كلّ الحاجات حواليا بتودّيني ليكي
حتّى الأغاني في بعدنا بتحكي الوداع
وكأنّها اتغنّت عشان توجعني بيكي
ياما قابلت ناس
ياما فارقت ناس
عمّال عليكي فيهم أدور أدور
حاولت أبعد كتير
ما ارتحتش من التفكير
كلّ ما تزيد المسافة بينا تصغر تصغر
بعدك بقيت بسأل كتير إزاي نسيتي
قلبي اللي كان حضنك زمان عليه قويتي
وأكتر سؤال بيجيلي يخنق كلّ ليلة
لو كنت واحشك ليه من الأوّل مشيتي
أنا مش بلومك بس لسه بلوم في نفسي
حبّيتك إنتي لكن نسيت أحبّ نفسي
ما جاش في بالي ييجي يوم أصلاً فراقنا
وألاقي أسهل حاجة عندك عادي تنسي
ياما قابلت ناس
ياما فارقت ناس
عمّال عليكي فيهم أدور أدور
حاولت أبعد كتير
ما ارتحتش من التفكير
كلّ ما تزيد المسافة بينا تصغر تصغر
اغنية ريحة غيابك – ليل المحمدي
Lil Elmohamedy – Reehet Gheyabak
كلمات: هبة علي
ألحان: نادر السيد
توزيع: صابر فان بيرسي
المزيد من أغاني ليل المحمدي
جواب متساب
متتعاشرش
يا سنيني
بقول ناسي وأنا كداب
مش زي غيرها