كلمات اغنية راهنت عليه لسارة جمال بتعبر عن خيبة الأمل والندم بعد تجربة حب فاشلة. بتحكي فيها عن الحبيب اللي وثقت فيه لكنه خذلها، وبتوصف الجرح اللي سابه في قلبها. اغنية راهنت عليه بتعكس مشاعر الندم والإحساس بالخسارة بعد سنوات من الكذب وعدم التقدير. اليكم الكلمات مكتوبة وكاملة.
كلمات اغنية راهنت عليه سارة جمال
شافوني النّاس كتيرة عليه
أنا إزاي شوفته غير النّاس
سمحت لقلبي يضعف ليه
لحدّ لا قلب ولا إحساس
ده كان لازم أسيبه بعيد
ويحلم بيّا مايطولنيش
ده جرحه ليّا درس مفيد
وطيبة وعطف تاني مفيش
راهنت عليه
وقلت أكيد هيطمر فيه
طلعت غبيّة هعمل إيه
في قلبي واللّي يمشي وراه
غياب بغياب
ومش عايزه أعرف الأسباب
عملت لحبّه يامّا حساب
ماخدتش منّه إلّا أذاه
رسم على قلبي دور غلبان
يدور الوقت كلّه يبان
يروح موسى وفجأة بكون
قصّاد فرعون مالوش أمان
عملت معاه بأصلي كتير
وعنّه شيلت حمل كبير
سنين ضاعت في كدب معاه
ماشوفتش حبّ ولا تقدير
اغنية راهنت عليه – سارة جمال
Sara Gamal – Rahent Alieh
كلمات: محمد شكري
ألحان: كامل الجندي
توزيع: عمر الإمام