أوقات بنحتاج ناخد قرار نعيش حياتنا على هوانا، من غير ضغط أو قلق. كلمات اغنية قرار شخصي رقم ١ لحمزة نمرة من ألبوم “قرار شخصي” بتعبر عن الرضا والبساطة، وإزاي الواحد يختار راحته بعيد عن المبالغة في الفرح أو الزعل. تعالوا نقرأ كلمات اغنية قرار شخصي رقم ١ مكتوبة وكاملة.
كلمات اغنية قرار شخصي رقم ١ حمزة نمرة
قرار شخصي رقم واحد
وما تفكّرش تحاسبني
أنا مش هجري ورا حاجة
عشان أعصابي محتاجة
أعيش بطريقة تناسبني
بأصالح نفسي على نفسي
وماشي العمر تدريجي
وبأخد سكتي عادي
مافيش أحلى من العادي
وتيجي زي ما تيجي
محصّلة بعضها الدنيا وفرقها مش مهوّل
ولو سألوني يوم عنها أنا مضطرّ أقول
مافيش حاجة بتستاهل أكون فرحان أوي جداً
أكون زعلان أوي جداً
أكون قلقان أوي جداً
وبأتصاحب على الأيّام
وييجي الليل وقبل ما أنام
أفكّر عايز إيه تاني
أقول ولا حاجة نقصاني
أنا مرضي وكلّه تمام
يهلّ النور أقول سلامات
بحبّ اللّحظة دي بالذات
تعالي يا دنيا نتسابق
ومين يكسب ماهوش فارق
بتشبه بعضها الحكايات
تبوخ دنيتي أضحك ولا بأسألها ليه
وبأسأل نفسي لمّا أكسب
خسرت قصّاده إيه
مافيش حاجة بتستاهل أكون فرحان أوي جداً
أكون زعلان أوي جداً
أكون قلقان أوي جداً
ما بأهربشي وأهرب ليه
أنا اخترت الحياة تتعاش
وبأتعلّم طريقي منين
وما تعلّمتهاش ببلاش
ما تخلّيش حاجة تملكني
ولا حاجة تبكّيني
ولو جت حاجة تجرحني
هييجي يوم تقوّيني
اغنية قرار شخصي رقم ١ – حمزة نمرة
Hamza Namira – Qarar Shakhsy Rakam 1
كلمات: عمر طاهر
ألحان وتوزيع: حمزة نمرة
المزيد من أغاني حمزة نمرة
كده الأيام
كايرو
ما بتلافينيش
طال غيابك
بتستخبى