كلمات شيلة قنيب الذيب أداء خالد ال بريك بتاخدنا لعمق الصحراء وصراع الأفكار، وبتصور “قنيب الذيب” كصرخة وجع على اللي راح، مع رسالة قوية بتمجد حياة “السباع” والمواقيف الصعبة اللي بتبين معادن الرجال، ووصف حي لرحلة البحث عن “المطر” والخير.
كلمات شيلة قنيب الذيب – خالد ال بريك
من التفكير بيني وبين الواقع صراع
نتايجها غرابيل وأفكارٍ جديدة
من عيون القصايد نجيب عيون الإبداع
ليا منّا ردفنا القصيدة بـ القصيدة
أغنّي كل ما لَجّ قلبي بين الأضلاع
ياليت اللي فقدناه نقدر نستعيده
قنيب الذيب ماهوب شرط إنّه ليا جاع
يجوز إنّه تعابير من كبر الفقيدة
لو إنّا نحسب اللي غدا يا كثر ما ضاع
على اللي لهفة الشوق تمشي في وريده
يجِض من الوجع والوله ويطق الأصباع
ليا منّه تذكّر لياليه السعيدة
قلوب الناس خلف الضلوع أشكال وأنواع
ولا يجمعهم إلّا العوايد والعقيدة
ياربي رحمتك واسعة وفجوجك وساع
لا تقطعنا من الرزق والأرياء السديدة
تجيب اللي يغيث البلاد ويحيي القاع
على قفرٍ ما باقي على كبده شريدة
من المغرب يلِج الرعد والبرق لمّاع
تسوقه قدرة اللي يدبّر ما يريده
تدفّ البدو يمّه غزايز جِلّ الإقطاع
ليا دنّق سحابه على الأرض الهميدة
ثمان أيام والعشب كنّه زرع زرّاع
ينسّيهم حياض المعالف والحصيدة
غرام محكحك الراس وإلّا طايل الباع
ما قال الدرب مسدود والشدّة بعيدة
من يذوق الترف والميوعة والتدلاع
لا يرجي عمره إنّه يبي يصبح وليده
ما يظفر غير من عاش عمره عيشة سباع
يجيب الصيد ماهوب صيدة من يصيده
هذا شروا عناد الغويري قاسي الناع
مواقيفه لها صيت وخصاله حميدة
معاريفه على الناس مذكورة بالإجماع
وراسه تطبخ وسطه النار الوقيدة
يحل معقّدات الشِرك ويدلّ الأسناع
ليا صعِبت ونشبت حديدة في حديدة
ما قال ظروفنا قاسية والوقت خدّاع
ليا ضاقت على راعي اليمنى الزهيدة
شجاع وقرم ومحنّك وساطي وفزّاع
جمع كل الصفات الحميدة في رصيده
تبجّح يا محمد وذكرك بالكرم شاع
عسى أعمار النشاما على الطاعة مديدة
تفاخر والبِس البشت واطرب وأنت مولاع
ولّع قلبك بحب المواقيف الفريدة
أعرف إنّك تحب التحدّي مانت مطواع
بقوّ عزومك تطاول الروس العنيدة
يا طيب اللي يصيد الفرص ويعرف الأوضاع
فداه اللي يضيّع الضحى والدرب سيدة
نسوق المدح في شفّكم لأحد الإشباع
لا شفنا الطيب نقول جعل الله يزيده
يا ذخر العزوة اللي تبعّد كل مرماع
هل التاريخ يا أهل المجلّة والجريدة
ليا ركبوا على الخيل وأرخوا كل مصراع
شجيع القوم ينساح دمه من وريده
ليا جنّب عن الموجبة راع ولد راع
قضاها دلبحيٍّ مواقيفه وكيدة
هذولا الاد دلبح ليا جا هوش ونزاع
مغازيهم تفرّق بديدة عن بديدة
شيلة قنيب الذيب – خالد ال بريك
Qaneeb Al Theeb – Khaled Al Braik
كلمات: صنهات حشر
المزيد من شيلات خالد ال بريك
طال ليل اللي يلد العين
انسام الهبايب
طرف الليل
اصعب قرار
سرا ليلي