كلمات اغنية أوكي للفنانة شذى، بتوصف الحالة المفاجئة اللي بتحصل لما القلب يقع في الحب ويحس بالأمان والراحة فجأة. الأغنية بتحكي عن دقات القلب اللي مبقتش قادرة تخبي الفرحة، وبتكشف عن شعور جديد ومجنون بيخلي الحبيبة متطمنة وضامنة وجود اللي بتحبه جنبها مليون سنة قدام.
كلمات اغنية أوكي – شذى
هو ده يبقى اسمه إيه إيه لا ثانية
بحسب الدقيقة ليه ليه والثانية
الإحساس ده فجأة جه جه
في الدنيا وماكنش زمان
فجر حُبّك لما شقّ شقّ شقشق لي
حنّ قلبي فجأة راق راق راق عقلي
لأ حاسة بدأ كدة يتهيأ لي
مش ناقصة جنان
آه كدة أنا أوكي هتطمّن
آه وحبّة كمان واتجنّن
آه ده قلبي معاه متأمّن مليون سنة قدام
ياه على الإحساس وجنانه ياه
في حضني خلاص ده مكانه
ياه بعيش أنا ليه وعشانه
هي دي عايزة كلام
قلبي الناس دي سامعة دق دق دقاتك
أوعي تداري عنه لا لا وحياتك
جالك اللي أهو يدقّق في حياتك
ما يسيبكش وحيد
فجأة بقى كدة تيك تاك في دقيقة
ولع جوة قلبي نار نار وحريقة
وهم معقول ولا لا دي حقيقة
إحساس أصله جديد
آه كدة أنا أوكي هتطمّن
آه وحبّة كمان واتجنّن
آه ده قلبي معاه متأمّن مليون سنة قدام
ياه على الإحساس وجنانه ياه
في حضني خلاص ده مكانه
ياه بعيش أنا ليه وعشانه
هي دي عايزة كلام
اغنية أوكي – شذى
Shaza – Ok
كلمات: عليم
ألحان: إسلام رفعت
توزيع: تميم
المزيد من أغاني شذى
زمانك دلوقتي
سكر مصر
ناجحة
اجمدي
مقلوبة حياتي