شيلة نظرة الانكسار أداء جفران بن هضبان، تحمل مزيج من الحكمة، الاعتزاز، والمدح. الكلمات فيها عتاب على الانكسار ودعوة للصبر والأمل، لكن سرعان ما تتحول لفخر ومديح في رموز القبيلة وأصحاب المواقف الشامخة. الكلام مليان قوة ومعانٍ راسخة، يعكس قيمة الوفاء والانتماء والتراث. وهذه كلمات شيلة نظرة الانكسار مكتوبة وكاملة.
كلمات شيلة نظرة الانكسار
يالناقد الذاتي افتح لي مجال اختيار
وافتح مجال القصيد الزين لا تقفّله
لو نقعد نحاضي الأذواق طال المسار
بين اندفاع الطموح وخوف مستقبله
والمؤمن اللي يحارب نظرة الانكسار
جعله ما يقطع رجاه ولا يخيب أمله
ملّيت من الانتظار وملّني الانتظار
حتّى نديم السهر ما عادني بأقبله
والخاطر أقصاه ومسافر وتالي نهار
أبي القريحة تغانم ليلها بأوّله
خلّه لمّن غشا الأطلال مثل الستار
أرتاح في سكْنة هدوه وأعيش أجمله
حتّى الشتات يتلاحم والقوافي تُدار
وكلٍ يعرف اعتباره ويعرف منزله
ما عاد عينت ما يدعو إلى الانبهار
أفكارٍ مكرّرة وبيوتٍ مقوّله
وكم لي ما عاد أعطي بيوت المديح اعتبار
من باب ما مؤمن يجزى بغير عمله
المعتبر يدري إن ما كل قبّة مزار
والناس ما تقبل اللي ما الله بيقبله
يزهى الثناء شايب كاسيه عز ووقار
شيخ لوجهه وجاهه تصغر المعضلة
قرايح المدح في غيره عليها حصار
وآمالها كايدة وأبطت وهي ممله
وفي مدح ناصر ولد هزّاع نار وشنار
يرتاح صدق الشعور ويارد لمنهله
ركنٍ من ركوننا شامخ وصاحب قرار
شيخٍ يحب الجميل وربّي مجمله
الواثق اللي كسب ثقة طوال العمار
لله درّ المقام ودرّ من مثله
مكارم الخُلق والهيبة وحسن الجوار
ومن الحضور أثقله ومن المقام أجزله
كم قد كلّت شفرته من حايل وحوار
ولهيبته واعتباره كم خلّص مشكله
ساس الإمارة وأساس العز والافتخار
حيّ الثناء اللي على أصوله وعند أهله
على يمينه عضيد وعزوة ومستشار
حرّ طلوعه على عز وعلى مرجلة
سلطان، سلطان ابن هزّاع جعله مجار
اسمٍ خذا من رها المدح أجزله وأثقله
سيفٍ يروّع شبا حدّه وشبّاب نار
قرمٍ لمّن اصطغى حمْل الزمان عدله
سلايل شيوخ نجد أهل الأسامي الكبار
وأهل التواريخ وأهل السيرة المذهلة
أحفاد شيخٍ من أشجع من تعلّى المهار
لو يُكتب اسمه على صمّ الصفا زلزله
مهابة شيدّت عاد الليالي دمار
أساسها ناصر ابن عمّر ابن قرمله
كم راح أبو لاح بشيوخٍ تفضّ الديار
وكم عايل جاب خيال البويضا أجله
انشد من اللي حمى نجدٍ وسيع الفقار
بعتاد ورجال وخيولٍ لها جلجله
إلين خلاه حدٍّ من نواه استخار
وتطرّخ أعلام قحطان فيه وتمثّله
ومرابعٍ لقحطان وفرض هيبة ودار
وروابعٍ ما تهزّ وسلطة منزله
هذا مديح الشيوخ اللي ما فيه اختصار
وهذا شموخ الكبار اللي محد يجهله
شيلة نظرة الانكسار
Nazrat Al Inkisar – Jifran Bin Hadban
كلمات: مشاري الهريم
أداء: جفران بن هضبان
المزيد من أغاني جفران بن هضبان
بلحاها وباشنابها
سمي العود
حرب الحرايب
يالاد ضاوي
الخليفي