كلمات شيلة نار التنافس أداء الجفراني، عبارة عن قصيدة حماسية بتحكي عن أجواء التحدي والفخر بالقبيلة ورموزها، وبتوصف بدقة هيبة الصدارة ومواصفات الإبل الأصيلة اللي بتحسم المركز الأول في ميادين التنافس بفضل العزيمة القوية والأفعال المشرفة.
كلمات شيلة نار التنافس – الجفراني
ولّعوا نار التنافس يا عشاشيق الأوايل
كلّ رجلٍ كلمته لا جاء التحدّي يحتميها
الصدارة ما تهيّا بالسوالف والمحايل
والنواميس الكبيرة تبغي اللي مهتويها
مثل بن طناف خالد ذخر ربعه فالثقايل
صامل الميقاف في فزعاته اللي تحتريها
يتزعّم فالنوايب دايماً والشبر طايل
وفي نواميس القبيلة كلّ قمّة يعتليها
والمناهيل الجبال اللي بهم ضرب المثايل
لا تزاح وساعات الشدّات الأمجاد اتعنيها
دولة بين الدول حاضر ومن عصر الأوايل
واسمهم وأوسومهم ساس الفخر منها وفيها
وخالد يجدّد بفعله كلّ مجدٍ له دلايل
شيخ طيبٍ سمعته فوق النجوم وفرقديها
ومن مطاليق الرجال ومن عريبين السلايل
الزحول اللي تقدّمها على القمّة أيديها
في حضوره هيبة وطاري مع شيوخ القبايل
وفالتنافس جيته تفرح جماهيرٍ تبيها
لا تقدّم ما عطى غيره على الأوّل مهايل
يلطم الشوط الحماسي والعرب عنه يحديها
باللي من الخفّ لين الخشم رونقها الهوايل
كلّ زينٍ وكلّ وصفٍ للجهام السود فيها
أشهد إنها كاملة والكامل الله يا حمايل
وإن نشدتو ويشهي أمّ الوصف قلنا ما عليها
إذنها حربة ووجهٍ مكتمل والشدق مايل
عظمها عظم الفحل والثقل في شلّة يديها
إن مشت وإن وقفت تقطع سوالف كلّ قايل
ما عليها خوف من كلّ النواحي ما عليها
في ازدحام الشوط ما هي تتقي والعنق طايل
كنّه شاعفها شديد إبلٍ معرّضتٍ عليها
ما لحقها من سلالات العبور أصل ودغايل
عارفين ساسها وساس أمّها مع ساس أبيها
لا أقبلت قام ايهتف جمهورها عبر الرسايل
ما عليها ما عليها ما عليها ما عليها
شافوا الأخصام منها فالضحى نجوم القوايل
أقنعوا من رقم واحد كلّ ما طروا مجيها
من رفع سقف الهقاوي فوقه الهقوة تهايل
يقتنع والراحة الراحة بماله يشتريها
والله كنّها الطموح اللي تنوش بالجدايل
في نهار العيد بين الغيد لإرضى مهتويها
من ليان العود لامن هبّه الغربي تمايل
بس يقبضها سحاها مع مخافة والديها
خُطبت وعيّت بجاهية من شيوخ الحمايل
عاندتهم من قناعة في رجا الغايب يجيها
راحوا أصحاب الممارا من مواجهها سحايل
كلّهم في خاطره كيّة بيبطي ما نسيها
والوعد لا الله عطاها عمر في شوط الجلايل
احسبوا لحسابها يا أهل النوادر كلبيها
في كنف شيخٍ يعشق الصعب ما يحبّ السهايل
والصدارة دايمٍ باسمه وله ختمٍ عليها
شيلة نار التنافس – الجفراني
Nar Al Tanafus – Al Jafrani
كلمات: عبدالهادي القنيفذ
الحان: الجفراني
توزيع: تون لايف
المزيد من شيلات الجفراني
الشوط الصعب
اسامينا الكبيرة
الرياح المرسلة
مفخره
العاصوف