اغنية نامي يا امي لمحمد عدوان بتعبر عن شوق وحنين لفراق الأم. بتوصف مشاعر الفقد والألم، والتمني إن صوته يوصل لأمه في الجنة. الفنان بيشكر الله على أهله اللي حواليه، وبيوعد أمه إنه يرفع اسمها مع نجاحه. كلمات اغنية نامي يا امي بتعكس مشاعر الحب العميق والوفاء للأم حتى بعد الفراق.
كلمات اغنية نامي يا امي محمد عدوان
عهالدني جبتيني
رحتي وما ودّعتيني
بعيونك ما شفتيني
ولا أنا شفتك
مشتاق يا عيوني
يا حرقة جفوني
صوره إلك عطيوني
من الصوره عرفتك
فتحت ألبوم الصور
والغصّة بتبكي الحجر
يا ويل قلبي شو نطر
ت لمست وجك
يا ريت صوتي يوصلّك
بالجنّه مبسوطه تضلّك
مليون مرّه رح قلّك
يا إمّي بحبّك
الحمدلله يا ربّي
عندي أهل جنبي
بيعطوني بس محبّه
وبحبّن متلك
نامي يا إمّي إرتاحي
ما ضيّعت مفتاحي
بكرا مع نجاحي
رح إرفع إسمك
فتحت ألبوم الصور
والغصّة بتبكي الحجر
يا ويل قلبي شو نطر
ت لمست وجك
يا ريت صوتي يوصلّك
بالجنّه مبسوطه تضلّك
مليون مرّه رح قلّك
يا إمّي بحبّك
اغنية نامي يا امي – محمد عدوان
Nami Ya omi – Mohammed 3dwan
كلمات والحان: يونس الاسمر
توزيع: داوود ابراهيم