كلمات شيلة نجد وهواها غناء فايز الدوسري، ترسم عشقٍ عميق لنجد وترابها ونسيم فيافيها، شاعر يتحدى البشر ووجع الليالي بس يلين قدام فنجال قهوة وذكرى جادل نجدية من سلالة الطيب، يمزج الفخر بالقبيلة مع حنين جارح، وتترك شيلة نجد وهواها شموخ مالح بنبرة شوق.
كلمات شيلة نجد وهواها – فايز الدوسري
دلّهوني في ثرى نجد وهواها
وشرهةٍ ما هيب تسوى قفّلوها
لحدٍ يكثّر على نفسي غثاها
والليالي موجعتني لعنبوها
البشر لو حاربتني من عماها
قلت روسٍ ما تجمّل همّلوها
مستعد آبل نفسي عن ضماها
واعتلي قمّة .. ما قد رقوها
مير صبّوا لي من اللّي فاح ماها
والهروج اللّي ما توخذ حدّروها
في فيافي نجد لا خيّل سماها
سجّةٍ تطرب لمن هم عايشوها
تفرّح المهموم من ريحة شذاها
كيف روس اللّي من القوم اغنموها
يوم نار الحرب موقدةٍ سناها
انزلوها واحتموها واحكموها
ولا طرت لي من شلع قلبي غلاها
جادلٍ تزهى بيوتي كلبوها
كنّ نور البدر ياخذ من ضياها
ويختلف لونه لا منهم زعّلوها
درّةٍ كمّلت بعد كمّل صباها
واكبرت واللّي معاها ما نسوها
كلّ يوم وجاي رجّالٍ يباها
غير عشرينٍ من الربع حجّروها
ودّي أعلّم ولا ودّي بأذاها
يا رياجيل اتركوني واتركوها
شبه وضحاً فارقة في مستواها
في قرارة نجد ربعي تيّهوها
يوم راعيها شلع يندب علاها
شوّشت في ظلّ روس اللّي حموها
كنّها تمشي على الأرض وتباها
في ذرى اللّي بالبداوة صلّحوها
من سلايل روس حيّ الله نباها
مهتوين الطيب والعليا علوها
جدّها عودٍ خذا الذود بعصاها
وسمعته شبه الجزيرة ردّدوها
جدّها عودٍ خذا الذود بعصاها
وسمعته شبه الجزيرة ردّدوها
كان تذكّرني تراني في حراها
وإن نستني في قصيدي علّموها
شيلة نجد وهواها – فايز الدوسري
Fayez Aldosri – Najed Wa Hwaha
كلمات: محمد الحبردي
اداء: فايز الدوسري
توزيع: أيمن مخاوي
المزيد من أغاني فايز الدوسري
منوة الروح لـ فايز الدوسري
عديم الوصايف لـ فايز الدوسري
ياخوان لـ فايز الدوسري
اغلى ثلاث لـ فايز الدوسري
عنق الغزال – فايز الدوسري