قصيدة حبيبي الإلهي لعلي بوحمد مليئة بالحب والإيمان. الكلمات تلمس القلب وتمنحك شعورًا بالسكينة والأمان، وكأنك بين أحضان الرحمة الإلهية. علي بوحمد عبّر ببراعة عن العلاقة العميقة بين العبد وربه. “حبيبي الإلهي” قصيدة تعكس مشاعر الصدق والإخلاص بكل جمال.
كلمات قصيدة حبيبي الإلهي لـ علي بوحمد
حبيبي الإلهي وأمان إتّجاهي
يا آمر يناهي متفضّل عليّه
أنا سلّمتك إيّامي وصرت عليها ضيفك
من لحظة ميلادك يا حسين إعله كيفك
أصيح بكلّ وكت لله
الحمد ياحسين والمنّه
لأن خلّاني بحبّك
أعيش الدنيا بالجنّه
مصباح الهدى وبيك إهتدى ليلي لصباحي
ألطافك تظلّ طول العمر تاجي ووشاحي
كلّ عام أقصدك نصّ فطرس ونصّ الرياحي
مسحة خاطري بمهدك تردّ روعي وجناحي
تناولني بيدك كرامة عبيدك
وأگلك أريدك بس تنظر إليّه
ترى ما عندي بهالدنيا بس الله ورغيفك
من لحظة ميلادك ياحسين إعله كيفك
أحبّك يا من بنورك
بصيرة گلبي تتكحّل
سبحان إلّي دلّاني
عليك وجيتك أتدلّل
يامن هالگلب عايش على نغمة مديحه
بإسمك من يدگ يتعلّم النبضة الصحيحة
يا من سلّمت بيده العمر بيعة صريحة
يمّ مهده طرف وأعگد طرف ثاني بضريحه
حنان البداية وحنين النهاية
يمن للظماية بس جفّك نديّه
ظما كلّ واگع بإيّامي بس يرويني طيفك
من لحظة ميلادك يحسين إعله كيفك
أحط عمري إعله ميلادك
إذا شالك حضن حيدر
أريدن تكبر إسنيني
على حبّك يبو الأكبر
من إتبسّمت بعيونك إعيون الزجيّة
وأنا بذمّتك كلّما عبس دهري عليّه
يعطّشني الدهر وإمحبّتك ريّا رويّه
لشبّاجك إمد جفّي وأحسّ إيدك بديّه
تبارك لي گلبي تدلّيني دربي
ونعم المربّي يا نعم الهويّة
إذا إتغرّب متعوّد تفتح لي مضيفك
من لحظة ميلادك يحسين إعله كيفك
قصيدة حبيبي الإلهي – علي بوحمد
My Divine Beloved – Ali Bouhamad
كلمات: الشاعر حسن طاهر المعيبد
توزيع: سيد محمد الكاظمي