كلمات اغنية متفائلة من ألبوم “تغيير الفصول” ليارا مليانة أجواء مبهجة. الأغنية بترسم صورة حب صادق قادر يغير نظرة الشخص للحياة ويفتح له باب للأمل والراحة. أسلوبها العفوي وكلماتها المليانة تفاؤل بيخلوها قريبة من أي قلب محتاج ضحكة أو لمسة دفا وسط الزحمة.
كلمات اغنية متفائلة – يارا
الجنة اللي حلمت أنا بيها
خدتني من إيدي حبيبي ليها
ياه على الفرحة اللي بقيت فيها
و ما بتسيبنيش
طبّطبت عليّ بحنية
و قابلني بأي عيوب فيّ
الراحة بقت باينة عليّ
خلّتني أعيش
نسيت تعب أيام عدو
والصعب معاك حَقدر أهدو
وكفاية عليا عينيك يرضوا
غيرك مفيش
بطمن و إنت قصاد عيني
ووجودك ده اللي بيحميني
قلبي في إحساس كله مليني
لا ما يكفيش
كل اللي عدى من عمري أنا مش فاكرَاه
والجاي معاك فيه خير جدًا أيوه أنا شايفَاه
جرعة حب و بزيادة
مزيكا مليانة سعادة
بتجمّل كل اللي عرفته أو كنت معاه
متفائلة معاك أيوه أنا جدًا إن شاء الله
بتحقق أحلامي و أكتر من اللي أنا عايزاه
أستاذ و أنا جنبك تلميذة
بتزغلل عيني بكذا ميزة
مكتوبة أنا ليك و إنت حبيبي اللي أنا بستنّاه
حبك دلّت كل الماضي
قبلك عمر و راح على الفاضي
إنت ملاك مش إنسان عادي
قول جيت لي منين
بتقدّر و بتفهم ضعفي
و بجد و بالمعنى الحرفي
دايمًا واقف جنبي في صفي
مين زيك مين
أنا محظوظة بحبك ليا
كمّلت إنت الناقص فيا
إنت لوحدك كل الدنيا
لو عدّى يومين
و إنت بعيد يتشقلب مودي
و بتفهم من نبرة صوتي
بترجمني في وقت سكوتي
و في غمضة عين
كل اللي عدى من عمري أنا مش فاكرَاه
والجاي معاك فيه خير جدًا أيوه أنا شايفَاه
جرعة حب و بزيادة
مزيكا مليانة سعادة
بتجمّل كل اللي عرفته أو كنت معاه
متفائلة معاك أيوه أنا جدًا إن شاء الله
بتحقق أحلامي و أكتر من اللي أنا عايزاه
أستاذ و أنا جنبك تلميذة
بتزغلل عيني بكذا ميزة
مكتوبة أنا ليك و إنت حبيبي اللي أنا بستنّاه
اغنية متفائلة – يارا
Yara – Moutafaala
كلمات: سين
ألحان: أحمد مصطفى
توزيع: أحمد شعتوت
المزيد من أغاني يارا
ما بصدق
ع قلبي شو غالي
ع قلبي تعى
في قلوب
تغيير الفصول