على طريقة قصف الجبهات جاءت كلمات اغنية مثيرة للجدل للفنانة آيتن عامر، والتي تظهر من خلالها الفنانة في الفيديو كليب وهي تقوم بتلقين إحدى الفتيات درس قاسي في النجومية والتريندات وأسلوب الحياة. هذه الأغنية تثير الجدل بسبب محتواها المثير والذي يعكس نظرة آيتن عامر الخاصة للنجومية والنجوم.
كلمات اغنية مثيرة للجدل ايتن عامر
لو جامده في قصف الجبهات
اخرك تلميذه في مدرستي
اتفرجي بقى على النجمات
اكتبي ورا منى واتبسطي
كراستك مليانة غلطات
سايباها وباصه في كراستي
انا صوري تملى مجلات
مش زيك صوري في محفظتي
مش كنا حبايب واخوات
وانتي اللي بدأتي وغلستي
واشمعنى كلامي انا بالذات
خدتيه على مقاسك ولبستى
مثيره للجدل
مش بالفساتين ولا بالبدل
في ناس لازم تشوف
العين الحمرا تتعدل
احلى مسا عليكي يا صفرا
يلا يلا لا لا لا لا
لا لا لا لا لا لا لا لا
لو لازمك حبه لايكات
اتصور جنبك صوره سيلفى
لو هتقضيها مجاملات
قولي للناس انك من طرفي
مش لازم تدخلي خنقات
علشان تتشافي وتتعرفي
لو بيننا مسابقة مسابقة ملكات
مش سهل كمان تبقي وصيفة
ده الفرق ما بين الدولارات
وما بين يا حبيبتي التعريفة
أنا ملكة قصف الجبهات
واديني بعملك تشريفة
مثيره للجدل
مش بالفساتين ولا بالبدل
في ناس لازم تشوف
العين الحمرا تتعدل
لو هبت بجنان
فانا بالنسبالك خط احمر
لو كانوا الناس بالألوان
لونك كان يبقى اللون الأصفر
خدي مني نصيحة بالمجان
اتقي شري وطريقك اخضر
انا اول ما اظهر في مكان
من غير مجهود باخد اللقطة
تمثيلك زي المانيكان
صفر كاريزما وافلام هابطة
واديكي عرفتي العنوان
اصلك بصراحه زبونه لقطة
مثيره للجدل
مش بالفساتين ولا بالبدل
في ناس لازم تشوف
العين الحمرا تتعدل
اغنية مثيرة للجدل – ايتن عامر
كلمات: أحمد علاء الدين
ألحان: نورهان البغدادي
توزيع: عمرو الخضري