كلمات اغنية مش زي غيرها للفنان ليل المحمدي هي اغنية رومانسية بتعبر عن الإحساس لما تلاقي شخص مميز جداً. الكلام كله غزل وحب، ووصف جميل للشعور إنك وقعت في حب حد مش زي أي حد تاني. خلونا نعيش مع كلماتها.
كلمات اغنية مش زي غيرها – ليل المحمدي
مختارتش إنّي أموت فيكي ولا إنّي اتشدّ
غصب عنّي لاقتني بحبّك وفي ثانية وقعت
أصل جمالك ده مشوفتش زيّه ولا هشوف حدّ
ده جمال متفصّل الله أكبر حلوه بجدّ
سبعة مليار بسّ إنتي أعظم اختيار
ده أنا قلبي ف حبّك إنتي مولّع ولع نار
الجبل اللّي عامل نفسه تقيل وقع وانهار
دي مهكراني كإنّها معاها الزرار
دي بنظرة ليّا
بجيب الدنيا هديّة
وعشانها هيّ
أعمل المستحيل
مش زي غيرها
ولا في حد بيشبهها
دي اللّي قلبي اختارها
وعشانها سهرت اللّيل
خايف أتكلّم ياما عنّك الناس تحسدنا
ما هو صعب عليهم يا حبيبتي أصلاً تقليدنا
بيشوفوا حبّنا في الأفلام ويقولو اوعدنا
وإحنا الأفلام تتعلّم من حكايتنا
من كتر الحبّ اللّي ف قلبي باين عليّا
مبشوفش غيرك وبقيتي جوّه ف عنيّا
سحرالي بجدّ ولا إيه اللّي حاصل فيّا
أصلي ماسمعتش عن مرحلة الحبّ ديّا
دي بنظرة ليّا
بجيب الدنيا هديّة
وعشانها هيّ
أعمل المستحيل
مش زي غيرها
ولا في حد بيشبهها
دي اللّي قلبي اختارها
وعشانها سهرت اللّيل
اغنية مش زي غيرها – ليل المحمدي
Lil Elmohamedy – Mesh Zay gherha
كلمات وألحان: ليل المحمدي
توزيع: صابر فان بيرسي
المزيد من أغاني ليل المحمدي
سيبته
نفسي أطمن بيك
سد خانات
لسه
حبي الأولاني