كلمات اغنية مش فاضي للفنان المصري الشهير محمد رمضان بتعبر عن شخصيته القوية وثقته بنفسه وبتوضح إنه مش مهتم بكلام الناس الفاضي وإنه مركز على نجاحه وتحقيق أهدافه. اغنية مش فاضي بتجمع بين الكاريزما الطبيعية لمحمد رمضان وأسلوبه الفريد في الراب، وبتوصل رسالة واضحة لكل اللي بيحاولوا ينتقدوه.
كلمات اغنية مش فاضي محمد رمضان
عندي كاريزما طبيعي لا إرادي
بتشدّ اللي بيوقفوا قصادي
من غير ما ألعب جيم رياضي
بيرنولي بس أنا مش فاضي
مش فاضي مش فاضي
مش فاضي لكلامكوا الفاضي
مش فاضي مش فاضي
بصراحة كلكوا ع الفاضي
هما يتضايقوا وأنا مروق
هما يتمنوا وأنا بحقق
كله بيدوّق أنا بشوّق
باصص عليهم وقاعد بضحك
هاها قال بتحبوني
هاها لا ضحكتوني
هاها برافو يا رجالة
هاها ده انتوا فصلتوني
ماشي زج زاج
أول لما باجي ناس كتير بيجيلها لاج
ماشي زج زاج
أنا رجولة أنت ب**
مش فاضي مش فاضي
مش فاضي لكلامكوا الفاضي
مش فاضي مش فاضي
بصراحة كلكوا ع الفاضي
خدوا قيلولة أما أنا ما بنامش
ريحوا بس أنا ما برتاحش
عامل حاجات على بالكم ما جتش
لبست الشمس نظارة شمس
الصنعة دي أنا شاربها
والحلوة دي أنا عاجبها
والمايلة دي أنا عادلها
حاجات كتير ناقصة بكملها
أوه أوه عملتلها بلوك
أوه أوه علشان بتشك
أوه أوه هخربها سناب شات
وكمان تيك توك
معلش خضيتكوا المرة دي
بس اللي جاي أقوى من الماضي
شاغلكم أوي كده للدرجة دي
أرد على مين فيكوا مش فاضي
مش فاضي يا ليفة
مش فاضي مش فاضي
مش فاضي لكلامكوا الفاضي
مش فاضي مش فاضي
بصراحة كلكوا ع الفاضي
كلمات اغنية ايه يا كوكاكولا – محمد رمضان
اغنية مش فاضي – محمد رمضان
كلمات وألحان: حازم إكس
توزيع: فلسطيني ريمكس