كلمات اغنية مش دي النهاية غناء ليديا لوتشانو تتر مسلسل وننسى اللي كان بطولة ياسمين عبد العزيز وكريم فهمي، بتوصف صراع نفس تايهة تحاول تصالح روحها بعد شعور طويل بالغربة والمهانة، وتكشف رغبة قوية في كسر حاجز الخوف والخضوع لاستعادة التحكم في مجرى الحياة، وتركز على التمسك بنور أمل بسيط وسط الظلام لتغيير المصير وانتظار أيام أجمل وخير يعوض كل وجع وماضي صعب فات.
كلمات اغنية مش دي النهاية – ليديا لوتشانو
أنا عايزه أصالح روحي من تاني
مش عارفه أعيش روحي وحشاني
تايهه في مشاعري مستغرباني
مش دي ملامحي مش ده مكاني
مش عارفة أعيش حاسه بمهانه
وإن قولت أموت في الموت جبانه
بين البينين وجروحي ياما
والليل حزين مليان ملامه
أنا من بدايتي وانا حد راضي
عايشه بطبيعتي عايشاني عادي
كان كل حلمي ليل حِسُّه هادي
اختار حكايتي وأملُك حياتي
واسرح براحتي بين ذكرياتي
ملِّيت خضوعي ملِّيت سكوتي
دايره ومتاهه وسنين حزينه
وغيوم مداها غاب عن عينينا
لكن معاها ايد بتلاقينا
جاي من وراها نور بينادينا
مش دي النهاية فيه باقي ليها
وباقي الحكاية أجمل ما فيها
أيامي جايه والخير ماليها
لسه الحكاية دي هنبتديها
اغنية مش دي النهاية – ليديا لوتشانو
Lidia Luciano – Mesh Di El Nehaya
كلمات: هالة الزيات
ألحان وتوزيع: عادل حقي