كلمات اغنية مش بدعي عليك للفنانة المصرية كاري احمد بتعبر عن مشاعر الغضب والانتقام من شخص كان بيمثل لها الحب والاهتمام. الأغنية بتوضح إزاي الشخص ده كان بيجرح وبيخدع، وكاري بتقول إنها مش بتدعي عليه، بالعكس، بتدعيله بالشفا من تمثيله. اغنية مش بدعي عليك بتعكس مشاعر القهر والمرارة، وبتوعد الشخص ده إنه هيشوف نفس الألم اللي سببه.
كلمات اغنية مش بدعي عليك كاري احمد
مش بدعي عليك ده أنا بدعيلك
ربنا يشفيك من تمثيلك
ويزيد القسوة اللي في قلبي
علشان خاطر أرد جميلك
تسلملي وشاكرين أفضالك
من دلوقتي خلاص هفضلك
جه الوقت تعيش اللي أنا عشته
جرب قسوة أفعالك
كل اللي عملته ده متسجل
وحسابك لو كان متأجل
مش هنسى في يوم اللي عملته
فبلاش على رزقك تستعجل
وغلاوة قهرتي ومراري
لتجرب وتحس بناري
هتشوف الجرح على أصوله
وأنا باخذ من قلبك تاري
عمال في جراحي بتتجاهل
وفاكرني هعدي وهتساهل
إبن حلال برضه وتستاهل
كل اللي هيجرى وهتشوفه
دي الهبلة اللي بتسرح بيها
هتشوف المر على إيديها
ناوية تخليك تحلف بيها
هتوقع قلبك من خوفه
من دي اللي تسمي عليك تاني
ده أنا جاية أسقيك من أحزاني
الدنيا دي ساقية ودوارة
ياما هتشوف مني وهتعاني
لأنا باقية عليك ولا باقيالك
ولا عمر القلب هيصفالك
ده اللي أنا هعمله فيك وفي قلبك
مش هيفارق لحظة خيالك
اغنية مش بدعي عليك – كاري احمد
كلمات: أحمد كدواني
ألحان وتوزيع: إسلام فتحي