كلمات مهرجان مش قصدي اخون أداء عصام صاصا، بتحكي عن الحيرة بين الندم والحزن، وبتوصف مشاعر الوحدة والضياع بعد الفراق، مع اعتراف بالأخطاء ورغبة في التصالح، وبتكشف عن ألم نفسي عميق وإحساس بالخذلان من القريبين، وبتترك حالة من الحيرة والتعب النفسي اللي محتاج حضن وراحة.
كلمات مهرجان مش قصدي اخون – عصام صاصا
مش قصدي أخون
وأنا لو هخون الكون
ما أخونكش خالص أنتِ
واحد خان أيامنا
وواحد وحشه كلامنا
غلطان عارف بص أنا آسف
وبلاش بس خصامنا
إنسان مريض
شايف بعينه إنّ الحياة دي ما تساويش
وعشان وحيد
عايش بفكرة إنّه مش عايز يعيش
فكّر كتير
في الانتحار وحياته ليه ما بتنتهيش
لا مش بخير
لكنّه شايف إنّ حكايته ما تتحكيش
أحكي وهشكي أنا ليه
شكوتي عملت إيه
صحّت جرح وقتلت فرح
وحزني غرقت أنا فيه
هسمع ليه معلش
وأنا جرحي ما يقفلش
بفضل ساكت أيوه أنا صامت
عادي ما بتكلّمش
أنا ليه كده حاسس بتوهة
جوّه منّي ونفسي أفوق
عايش كده فاقد الشغف
عايش ما بين حرمان وشوق
طب هعمل إيه
بأخد علاج وحاجات تسكّن الألم
حاسس بإيه
إنسان وحاسس إنّه في الدنيا اتظلم
حاسس بالإحباط
بتقلّ النبضات جالي هبوط
شكلي هموت من كتر الصدمات
وشريط عمري يعدّي
وبلاقي نفسي لوحدي
وماليش حدّ تعبت بجدّ
أنا دمعتي على خدّي
مش قصدي أخون
وأنا لو هخون الكون
ما أخونكش خالص أنتِ
شوفي العيون هتلاقي دمعي
من الفراق أمّا أنتِ سبتي
مش عارف أكون
إنسان طبيعي من غيرك
ماهو أنتِ بنتي وأنا لو أهون
ما تصدقيش اللي يقول
إنّ أنتِ هونتي
حاسس إنّ أنا نصّين
جوّايا أنا شخصين
واحد جاني آذاني أناني
وواحد قلبه حزين
واحد خان أيامنا
وواحد وحشه كلامنا
غلطان عارف بص أنا آسف
وبلاش بس خصامنا
جوجل الهموم
أعمله سيرش هيجي أوّل حدانا
دوقت السموم
من كذا حاجة ما بقولش حاجة معيّنة
أنا عايز أدوق
فرح أو أعرف في يوم
يا ناس طعم الهناء
عايز هدوء
أنا عايز أكون مع نفسي
لو مليون سنة
كسرة قلبي عليّا
حاجة حقيقي مؤذية
واللي بيكسّر أكتر وأكتر
الناس شمتت فيّا
بس وفاكرهم منّي
أتعب هيشيلوا عنّي
بس عرفت إنّ أنا وقعت
بسبب ناس من دمّي
مهرجان مش قصدي اخون – عصام صاصا
Mesh Azdy Akhon – Essam Sasa
كلمات: أحمد حمتو
توزيع: كيمو الديب
المزيد من أغاني عصام صاصا
لبسي برندات
كله اتساوس واتكالب
الي جميع اخصامي
الزم معايا حدودك
جرح ساده