كلمات اغنية من كتر الغياب للفنان أحمد كامل بتعبر عن جرح الغياب اللي حول الروح لضايع بين المشاعر والوداع. الأغنية صرخة قلب معلق بين النسيان والانتظار، عايش عشان لسه ما عرفش ينسى. استمتعوا بهذا الألم.
كلمات اغنية من كتر الغياب – أحمد كامل
أتاريك يا وقت جريت وما سبتناش ننسى
خدت الفرح في إيديك ومكانه سبت جروح
هنمدّ إيدنا لمين لمّا القلوب تقسى
وتطيب جروحنا إزاي ومفيش دوا للروح
جاني الغياب خلّالي روحي على المشاع
عمّال بداري لقلبي عينه عن اللي ضاع
وبقيت بتوه زيّ اللي من كتر الفراق
ما بقتش عينه بتقرا غير كلمة وداع
جاني الغياب خلّالي روحي على المشاع
عمّال بداري لقلبي عينه على اللي ضاع
وبقيت بتوه زيّ اللي من كتر الفراق
ما بقتش عينه بتقرا غير كلمة وداع
مفيش إحساس ما بيعدّيش وأنا إحساسي بيكي غريب
كأنّك لحظة ما بتمشيش كأن بكايا ليكي نصيب
شافوكي إنّك سنين غايبة وشايفك لسّة جنبي سنين
وأتاري الموت ما بيموتش غير اللي بيفضلوا عايشين
وبيلوموا إنّ أنا واقف وسايب روحي على بابك
أنا من حقّي أكون رافض تفوت أيّامي في غيابك
يا ريت الناس كانت حاسّة بقلب نسيته جوّاكي
وإنّي بعيش عشان لسّة أنا ما عرفتش أنساكي
وبيلوموا إنّ أنا واقف وسايب روحي على بابك
أنا من حقّي أكون رافض تفوت أيّامي في غيابك
يا ريت الناس كانت حاسّة بقلب نسيته جوّاكي
وإنّي بعيش عشان لسّة أنا ما عرفتش أنساكي
اغنية من كتر الغياب – أحمد كامل
Ahmed Kamel – Men Kotr El Gheyab
كلمات: مصطفى ناصر
ألحان: أحمد كامل
توزيع: إسلام الأزرق
المزيد من أغاني أحمد كامل
بعد مني
لسه واحشاني
بتحداكي
الحلو حلو
وش الدنيا