كلمات مهرجان موهبة غناء مطرب المهرجانات مسلم، بتوصف صراع حاد بين ثقة بالنفس وحسد الخصوم، وبتحكي عن فنان شايف نفسه مكافح جاب حقه بهدوء، وسط عالم مليان قلة ذوق وحقد وكلام كتير، لحد ما بقت الطيبة والجدعنة تعبه ومش سايبه يعيش براحة.
كلمات مهرجان موهبة – مسلم
ماشي أدندن وأتجوّل
لمحت خصمي في الأرينا
في عينه شرّ ومتحوّل مش ناسي عاهته المستديمة
هعجبكو يعني أمّا أتحوّل هعجبكو لمّا أبقى تسوّل
أيوة على حواركم دوّت حواركم بايخ ومطوّل
فأروحله وبأقسم نصّه هوّ وأيّ بطل بيخصّه
كلّ يومين ييجي يبهرني مش برجولته ده لأ بأنوثته
أنا حلو وعندي كتير فبلاش تحكي في قدراتك
أنا جيل بيسلّم جيل أنا أكتر واحد شاطك ياه
اتفاقيات وحاجات بتدور وكلّه جاي في قلّة ذوق
بالنسبة ليهم لازم أموت عشان يتشاف معظمهم فوق
أبو المسالم مشي ع الشوك مجيبتهاش بالهاش والكوك
وحقّي جبته قانوني وبهدوء مع إنّي مدرستش في حقوق
أخوك يفوت حفلة في بولو وبشوف فنزاتي وببوسها
وإنت يا عيني تيجي تعمل حفلة والناس تطالب بفلوسها
أنا أجدع حدّ تقابله وشوف كان حالك إيه من قبله
لمّا أتعبلك م اللي تعبله مين فيكو مات من أجله
يبني إنت ليه شيطانك زقّك لازم تتهدّ وإنساني
ومع اللي زيّ تسيب حقّك عشان هفضل عليك دايس
كلامكو كتير وده يأثّر كلام مش حلو ويخسّر
بلاش تطلبني في التليفون وتقولّي إلحقني متكسّر
فاكر إنّي سعيد في حياتي كلّه باصصلي وحتّى أخواتي
مين فيكو زيّ حالاتي طيّب والطيبة تعباه
جدع جدعنة ملهاش داعي مهما صحيت مش بفضل واعي
بزعل جملة وقطاعي بالذمّة دي تبقى حياة
مهرجان موهبة – مسلم
Muslim – Mawheba
كلمات وتوزيع: مسلم