كلمات اغنية ما سبتنيش للفنانة المصرية بسملة علاء بتعبر عن مشاعر الحزن والفراق اللي بتعيشها بعد ما حبيبها سابها، وعن صعوبة النسيان والشوق اللي بيطاردها في كل مكان. الفنانة بتوصل مشاعرها بصدق وبساطة، وده بيخلي الأغنية تلمس قلوب الناس. كلمات اغنية ما سبتنيش بتعكس الألم والوحدة اللي بتحس بيهم، وبتوضح قد إيه الفراق ممكن يكون صعب ومؤلم.
كلمات اغنية ما سبتنيش بسملة علاء
وما عرفتُش أعود قلبي ع النسيان
وما قدرتش أنسى بالي شوقنا زمان
وكل ما بمشي أنا خطوة
أبص ألاقيك في كل مكان
سهرت لحد ما عيوني اتملت بدموع
وقلبي من اللي حسه خلاص بقى موجوع
بكلم في الصور دايمًا
وصوتي حتى مش مسموع
طب وأيه آخرتها يعني
البعد عنك وجعني
صوتي مش عارف يغني
ومش بعيش
الحياة وقفت وملت
الفراق بقى شيء يموت
انت عايش لسه فيا
ما سبتنيش
وما لحقتش أعيش أيامي جنب عنيك
وما لحقتش حبيبي بصوتي أنادي عليك
وعدى العمر على سهوا
ومن يومها بفكر فيك
وما ضحكتش بصوتي من يوميها خلاص
بشوفك كل يوم والتاني بين الناس
ومهما عملت أنا أصلًا بيفضل عايش الإحساس
طب وايه آخرتها يعني
البعد عنك وجعني
صوتي مش عارف يغني
ومش بعيش
الحياة وقفت وملت
الفراق بقى شيء يموت
انت عايش لسه فيا
ما سبتنيش
اغنية ما سبتنيش – بسملة علاء
كلمات: عمرو المصري
ألحان: عمرو الشاذلي
توزيع: عمرو الخضري