كلمات اغنية مريض لمهى فتوني بتعبر عن بنت اكتشفت إن حبيبها جبان وما عندوش ضمير، بيخوفها ويبعدها عن الناس وفي النهاية هيسيبها. الأغنية فيها غضب وكبرياء: أنا أحسن منك بكتير. استمتعوا بكلماتها القوية.
كلمات اغنية مريض – مهى فتوني
أضعف من إنك يوم تشوف
أيوة إنت أجبن من الظروف
عمرك ما خدت في يوم قرار
وناقلّي إحساس كله خوف
أيوة إنت راجل بالكلام
مش بالحنان والاهتمام
ولا أخدتني في حضنك في يوم
ولا احتويتني بشكل عام
إنت مريض وعايز تمرضني
عن كل الدنيا بتبعدني
وعلى وجودك بتعوّدني
وناوي تسيبني فجأة عشان أموت
أنا حاجة في آخر اهتماماتك
أنا دايماً دور تاني في حياتك
لكن والله وحياتك
لتعيش بعدي تتمنّى الموت
قلّيت في نظري من كتير
وصغرت بعد سنين كبير
أنا أقبل الناس أي نوع
لأ إلا معدوم الضمير
راح منّي ليك أي احترام
هظلم ليه نفسي معاك حرام
لو كنّا لسّة مكمّلين
أنا كان زمان جالي انفصام
إنت مريض وعايز تمرضني
عن كل الدنيا بتبعدني
وعلى وجودك بتعوّدني
وناوي تسيبني فجأة عشان أموت
أنا حاجة في آخر اهتماماتك
أنا دايماً دور تاني في حياتك
لكن والله وحياتك
لتعيش بعدي تتمنّى الموت
اغنية مريض – مهى فتوني
Maha Ftouni – Mareed
كلمات: عليم
ألحان: مصطفى الشعيبي
توزيع: عمرو الخضري
المزيد من أغاني مهى فتوني
أجمل فرحة
أول حب
فيها رجوع
مع السلامة
العين بالعين