كلمات شيلة مفخره أداء الجفراني بتتكلم عن شاعر يدور “الواهس” لقصيدة تشبه هنوف ما تستجيب لحد غير ابن جلبان، وبتوصف راعي الرشدا وقت الأمور العصيبة، ثابت وواثق وتنعتمد عليه، ومعه شهران اللي دايمًا حاضر في مواقف الوغى، يضيق الكون على خصومه ويفرض السيطرة ويفتخر بربعه اللي ما يعرفون العفو وسط الميادين.
كلمات شيلة مفخره – الجفراني
طالت علي الأيام بالحال الرتيب
أدوّر الواهس على الشعر أدوّره
حتى لو إن مالي على الجمه شريب
أحياناً تصد القريحة مجبرة
كنّها هنوفٍ تنتظر جيّة حبيب
قد لدّها من ربعه وطال أسفره
ما تنجذب لا من بعيد ولا قريب
يصيبها من كل خطّاب انعرة
كم رادها مرهي وعيّت تستجيب
مكتفيةٍ في طيبٍ شاع أخبره
من غير ابن جلبان ما تبغى نصيب
اللي مزوّدها غرور وبخترة
هذا راع الرشدا لا جاء الأمر العصيب
أبسل على الخطب الجلل من عنترة
الواثق اللي فيه ظنّك ما يخيب
الصامل اللي للشدايد تذخره
لا كلّحت الأيام لك بأنياب ذيب
نصرك على الأيام لا طق انحره
بالسمعة العطرة وبالراس الصليب
يسوقها من مفخرة لا مفخرة
لو شاب دقنه قو باسه ما يشيب
من دون غاياته يعاف المعذرة
ما صار في منبر هل الناقة خطيب
إلا وهو مالي مكانة منبره
خذا الثقة منهم وزاد الطيب طيب
ما فكّر بمن حب ولّا من كره
في كل شوطٍ محتدم قوّه يجيب
اللي يوقّع شيكها من دفتره
جايٍ لهم بيضيّق الكون الرحيب
عمّم على الأشواط فرض السيطرة
إن ما سمع لمنافسه جرّة نحيب
ولّا لمح لإقفايته منه أغبرة
من جاء يبي مراكزه عوّد عطيب
ما قدّمه إلا غبنه ولطم أنظره
معه شهران مدلهة صدر الغريب
يقلط بنا على العسير ويقهره
أمجادنا من هازها مقطوع صيب
يلقى كحل عينه ولعنة كوثره
نجمٍ على دور الليالي ما يغيب
وإلى هوى حط الفسيحة مقبرة
لو يسلك الدرب الخطا ولا المصيب
حنّا الحزام اللي يشد ابه أظهره
حنّا شهارين الوغى غم الحريب
لا قلّت الحيلات من ولد المرة
نقبل على اللي دونها الهابي يهيب
ما حرّكت في صملة الروس أشعرة
أشاوسٍ لا ركبت أمات السبيب
ما تاخذ من الخصم عفو ومغفرة
إن ما قعد تحت الرمك منهم صويب
ولّا خذت روحه طريق الحنجرة
شيلة مفخره – الجفراني
Mafkhara – Al Jafrani
كلمات: عويد النجود المنبهي
توزيع: تون لايف
المزيد من أغاني الجفراني
العاصوف
قحطان العربية
السلامة دوروها
قبايل حرب
اعطني قلبك