كلمات اغنية مدارسنا رجعت بتوصف مشاعر الطلاب مع بداية العام الدراسي بطريقة ظريفة. أيسل خالد بتحكي عن الصحيان بدري، وقائمة المستلزمات الطويلة، والنوم في الحصة الأولى. اغنية مدارسنا رجعت بتمزج بين العربي والإنجليزي بعفوية، وبتعبر عن وجهة نظر التلميذ اللي عايز يتعامل على إنه كبير ومسؤول عن وقته.
كلمات اغنية مدارسنا رجعت – أيسل خالد
مدارسنا رجعت يا حلولي
وهنصحى بدري يالالالي
وماما تيجي تقولي
يلا يالولو قومي صلي
مدارسنا رجعت يا حلولي
وهنصحى بدري يالالاي
وتيجي 7 بالمللي
الباص خلاص أهو وصلي
والميس دخلت علينا وقالت هاي جايز
وبدون مقدمات ورقة الـ Supplies
لقيت مكتوب فيها مقشة ومسّاحات
مناديل ديتول ووايبس ومعالق وكوبيات
والله ده جهاز عروسة وطلبات مستشفيات
والحصة الأولى الأولى عدت أوام
مفهمتش منها حاجة كنت أنا بنام
ركز معايا يا بابا وانتي كمان يا ماما
لو عايزين مصلحتي يبقى تسيبوني براحتي
أنا عارفة امتى أذاكر أنا عارفة امتى أنام
أنا عارفة امتى آكل وامتى أدخل الحمام
مدارسنا رجعت يا حلولي
وهنصحى بدري يالالالي
مدارسنا رجعت يا حلولي
وهنصحى بدري يالالي
اغنية مدارسنا رجعت – أيسل خالد
Aysel Khaled – Madarsna Reg3t
كلمات: خالد الكابيتانو
ألحان: الحسن عادل
توزيع: التوينز