كلمات مهرجان مع السلامة يا حب عمري لسلطان الليل بتعبر عن القوة والخذلان اللي بييجي بعد الفراق. الأغنية بتحكي عن الغضب والوجع اللي بتحس بيه لما حبك ينتهي بالخيانة أو الخداع، وفيها رسالة واضحة بتقول لازم نتخطى الألم وما نرجعش للذكريات اللي بتألمنا. الكلمات كلها طاقة وحماس، وبتبين الصلابة والثبات قدام المواقف الصعبة.
كلمات مهرجان مع السلامة يا حب عمري
طب سلّملي على الّى راسملي
ضحكة وجواه الغلّ كاتملي
سلّملي على اللّى عامل صاحبي
وللموت نفسه يسلّمني
سلّملي على الّى خانو العشرة
ناس دهب بسّ دهب قشرة
لو عاملين مادّة على القلّة
تاخدو 15 من 10
مع السّلامه ياحبّ عمري
انتي بعتي انتي اللّي اختارتي
شلت حبّ كتير أوي ليكي
كنت عايزك طب ليه بعتي
الف سلامه علي عشره هانت
ناس كتير علي أصلها بانت
خد نصيحه حبّ اللّي شريك
أوع تفكّر في اللّي سابك
طب لو فاكرانتا فرقلي
ولا تفرقلي وآخرك ترغي
علشان لو جواك كان سالك
كنت ياصحبي تلومني الدّوغري
بس هقول الحقّ عليّا
كنت بشوف غيرتك بعنيّا
بس أنا قولت ده صحبي وأخويا
وانتا كتبلي الموت أمنيّا
اتعلّمت ولسّه بعافر
عمري ما نمت وحقّي اتاكل
لو مكتوبلي الموت ع العادي
بردو هموت راجل من الآخر
كنت بحبّ في ناس وأزوني
وكنت بنام وبتبكي عيوني
مهو علي طبتي بقيت بتعاير
قالو ضعيف حبّو يحربوني
بس أخوك ع آخرو وفارس
عمرو ما منيس ع طول تارس
عيني شوّافه ومش بستعما
أيوها ناقص أقولو بناقص
قولو عليّا بقا أفضلو نمّو
خلّو حماده يبلّغ حمّو
لو شفتكو في السّكه هشيلكو
ما انتم مش عيزين تتلمّو
لمّا وقعت استحلّو وقوعي
حبّو نهايتي وحبّو دموعي
أقرب ناس كنت بعليهم
كانو بيجمّلو غريب ف رجوعي
طب ياخساره يا ألف خساره
ناس مش سالكه نفوس غدّاره
مش سيقين دا انتو بتتساقو
تاخدو أوامر أما أدي إشاره
طب يامجال مفيهوش غير واحد
ديمن أوّل ديمن رائج
لمّا أسد بيغيب من الغابه
تلقي قرود عمّالا تتزأب
فاكر كلّ الّي مفكّرني
أنّو هيقدر ويعكّرني
أنا واحد عايش بمزاجي
وأنطر الّي حابب ينطرني
حمله وغصب عواء إجباري
لمّا بشدّ بفضّي عياري
كلّو عرفني بأنّي بنفسي
أنا من يومي وأنا ظابط حالي
أي خساره وليها مكاسب
بس تصاحب صاحب خايب
حرس منّو علشان هيغير
أوّل واحد فيك هيحارب
سلّم أمرك ع مولاك
كلّو بصّصلك في الّي معاك
حتّا في صورك بيراقبوك
كلّو عليك عايز يتزاك
يلّي أنا كشحك وانتا عرفني
لو حضرتني يلّا اصرفني
عامل فيها أنّك معروف
وانتا مقضّيها حك يا ابني
راكب مكنه بعده صوت
نازل أزعل كام هلفوت
ومشغّل أنا سلطان اللّيل
بيقول ياصحبي تخاف هتموت
كلّو عليّا أنا كان بيأمن
بس أنا من جوايا مطمّن
الأشبال عينهم كامرات
كلّو بصّصلي ووشو ملوّن
نزل الظّابط قام فتّشني
قلتلو اباشا أنا اسأل عنّي
دول أخصامي ومن حرقتهم
خلّو سعدت الباشا ينزلي
أنا مظبوط ومعاك ع السّالك
كلّ حكيتي نوش ومعارك
لاكن عمري ما اجي ع ضعيف
قالي أنا عارفك ظابط حالك
الّي طالع ع حسّ زميلو
بكره الدّنيا دي هتوريلو
علشان معروف أنّو دا جاهل
لاكن صحبو ده كتر خيرو
الأيّام يازميلي بتميّز
من مظبوط وتمام وكويّس
كلّو خلاص دخل الفرازا
يلّا يامظبوط لا هتتكيّس
مهرجان مع السلامة يا حب عمري
Ma3 Al-Salama Ya Hob Omri – Sultan Al Lail
كلمات: بوده الرملاوي
توزيع: جيكو الحاوي
المزيد من مهرجانات سلطان الليل
كلمات مهرجان انا اتولدت وحيد عيله – سلطان الليل