كلمات اغنية ما تيجي نبدل الأدوار لحمو القماش، بتحكي عن حبيب مكسور بيحلم يقلب الطاولة ويبدل الأدوار، ويخلي الغدار يشرب الذل والمرار نقطة بنقطة، ويتوعده بالحسرة والنار ويخليه عبرة للكل، كلمات ما تيجي نبدل الأدوار بتسيب إحساس انتقام وقلب مش ناوي يسامح.
كلمات اغنية ما تيجي نبدل الأدوار حمو القماش
ما تيجي نبَدّل الأدوار
وأنا اللي أقسم وأنا اللي أختار
وتاخد كسرتي ف لياليك
وأنا آخد قلبك الغَدّار
هطَلّع فيك سنين هَمّي
وأبيعك وأنت متغَمّي
ووعد عليّا ما هسَمّي
وهسقيك كل ليلة مرار
هصَحّي حاجات وأموّتها
وأسيب عينك لدمعتها
ووَرّيني بقى ساعتها
هتعمل إيه ف وسط النار
هكون ويلك وأخون سِرّك
ومركب غَدر على بَرّك
دنا من نفس كاس مُرّك
راح أسقيك ميت سنة لقدام
هتشرب بالأصول ذِلّي
ولو حَبّيت بقى تحَلّي
هاصُبّ الحسرة بالمللي
ومعاها من الإهانة جرام
على الأحزان تاخد لَفّة
وأقيدك نار وأنا أدفى
دي فرصة إن جاتلي هتشفى
وأخَلّيك عبرة لـ المخاليق
ورَبّ العِزّة ما هحِلّك
بكل ما فِيّا راح أذِلّك
حبال الوهم هفتِلّك
وأسيبك وسط بحر غريق
هطَلّع فيك سنين هَمّي
وأبيعك وأنت متغَمّي
ووعد عليّا ما هسَمّي
وهسقيك كل ليلة مرار
هصَحّي حاجات وأموّتها
وأسيب عينك لدمعتها
ووَرّيني بقى ساعتها
هتعمل إيه ف وسط النار
مسيرنا نبَدّل الأدوار
وأنا اللي أقسم وأنا اللي أختار
وتاخد كسرتي ف لياليك
وأنا آخد قلبك الغَدّار
اغنية ما تيجي نبدل الأدوار – حمو القماش
Ma Teegy Nebadel El Adwar – Hamo El Qamash
كلمات: محمد هيكل
ألحان: مصطفى مجدي
توزيع: سيدو
المزيد من أغاني حمو القماش
سايبني لمين لـ حمو القماش
كسروك يا قلبي لـ حمو القماش
امشي وسيبهم لـ حمو القماش
فيلم الحياة – حمو القماش