كلمات اغنية لسه بحاول غناء ميمز بتعبر عن الكفاح والاستمرار في مواجهة صعوبات الحياة، وبتوصف الأمل والإصرار على إيجاد الحلول بالرغم من الخيبات والصعوبات اللي واجهناها. الفنان لسة بيحاول يحقق أحلامه ويلاقي السعادة مهما كانت الظروف صعبة. اغنية ميمز لسه بحاول بتوصل إحساس القوة والإصرار اللي بنحتاجهم عشان نكمل في حياتنا.
كلمات اغنية لسه بحاول ميمز
شفنا في الدنيا كتير
مشينا كتير مشاوير
وحاولنا نعدّي الصعب ووقت الجدّ ما عدا بخير
شفنا فيها كل حاجة
ناس تبيع وناس ديّابة
كل حدّ كان معانا لفّ وساب دنيا قلّابة
أنا لسّة بحاول تاني أقوم
لسّة بدوّر ع الحلول
لسّة العمر بيجري بيّا
والوقت عدا وأنا ليلي يطول
لسّة بحاول تاني أكون
بحلم وبجري وف يوم هكون
جايب كل حاجة وألقى السّعادة ومن تاني أقوم أقول
كل حدّ كان معايا ساب
كلّه فصّ ملح فجأة داب
كلّه عاب وغاب وفيّا قال
دلوقتي كلّه راجع ندمان
خلّيني أقولك كلام
النّاس بتسيب والحبّ أوهام
لمّا فضلت كتير مستنّي
أنا فاتني العمر وعدا أوام
خلّيني أقولك كمان
سيبت الحرب أنا من زمان
مش محارب ف إستراحة
بس بصراحة أنا مش ندمان
ومايفرقليش فلان ولا شاغل بالي أنا بالكلام
نفسي وحالي اللي إبقالي محروق الرّاضي على الزعلان
أنا لسّة بحاول تاني أقوم
لسّة بدوّر ع الحلول
لسّة العمر بيجري بيّا
والوقت عدا وأنا ليلي يطول
لسّة بحاول تاني أكون
بحلم وبجري وف يوم هكون
جايب كل حاجة وألقى السّعادة ومن تاني أقوم أقول
اغنية لسه بحاول – ميمز
Memz – Lessa Bahawel
كلمات: ميمز
توزيع: فادي هارون
المزيد من أغاني ميمز
كلمات اغنية بستنى تقولي – ميمز