كلمات اغنية ليلة أرق لمروان موسى بتعبر عن مشاعر الحيرة والتفكير في الدنيا والاختيارات اللي بنعملها كل يوم. الكلام بسيط لكنه مليان تأملات وأسئلة عن الحظ والفرص والندم، بأسلوب صادق وعفوي يخليك تحس إنك بتسمع حد بيحكي من قلبه. اغنية مروان موسى ليلة أرق فيها حالة تفكير عميق ومشاعر مختلطة، ومع أداء مروان موسى بتاخدك في رحلة بين العقل والقلب بأسلوب رايق ومميز.
كلمات اغنية ليلة أرق مروان موسى
كُلّنا بنحسّ نفس الحاجة بطرق مختلفة
مش شرط تمرّ بنفس الترتيب مرحلة المساومة
حاول تفتكر
ليلي يا ليل آه ليلي يا ليل
كلمة من القلب
ليلي يا ليل آه
إخوات سابت وسنين فاتت مين ماسك السكور
مقاسي على مقاسي غلطة الترزي ولّا الدكتور
قابل إلّي جي أحلى بس أصعب
العمر عادل وإنت مش حاسس بقيمة حظّك
زووم أوت هتشوف الصورة بس أوضح
فاكر قبل ما الخمول على العقول يستولى
كُنّا ملوك في زمن تاني دلوقتي للأسف ناسي
ما حدّش عملهالي بس دفعت التمن غالي
أنا محاط بكلاب سعرانة فإتعلّمت أعضّ
مكالمة ستّة الصبح كنسِلْت بس كان نفسي أردّ
إيه المردود بين ليالي وأيّام مقلوبة
هتدّيني إزّاي والمساحة في قلبك محدودة
مترب سيكا بعد سنين شغل في مناجم دهب
لسّه بفتح أوّل صفحة لقيت كتابي إنتهى
إزّاي يحصلّي كده بدون تحذير مطلوب تفسير
سنين ما فيش تغيير مسجون جوّة عيونك
أنا البريء
ولو لقيتك واقفة عَ الطريق
هآخدك عالم تاني بس بعيد
أدفع أيّ تمن بس نعيد
ليلة من الذكريات إلّي عشناها
فاكرة ولّا ناسية إلّي عشتيه
المُرّ إلّي بنفتكره وبيإذيك
فات وقت قليل وشوفنا كتير
تُلتميّة وستّين درجة لفيناها
العمر جِري على ميتين وستّين
الشخصيّة القديمة كان يضرب كاسينه عَ الريق
في المحضر أنا المتّهم لابس أحمر ليلة أرق
قولت الطيبة عين العقل لقيت الخير إنقرض
أعتقد أنا إتحبيت بالغلط
خمس مراحل إيه أنا عدّيت بميتين مرحلة
كلّ ده عشان أطلع فوق الجبل وألقى كهف
دايمًا ناسي شيء مهمّ بس الهمّ ما بينساكش
إسمها سخريّة القدر ده الملخّص المختصر
الزعل بات مات وكلّ إلّي فات إحتضر
غلطت كتير بس عمري ما أهملت المسؤوليّة
بقول للنّاس ولنفسي إنّي عملت إلّي عليّا
بس يمكن بكذب يمكن بذنب يمكن عازلك
يمكن حاسّة الجوّ مش مناسبك ممكن أقلب
ممكن أسمع ممكن أنزل ممكن أظهر
ممكن أثبت إنّ الجوهر هو المظهر
أو يمكن ما فيش فرق بيني وبينهم
ما فيش فرق خالص
مش يمكن أنا أوحش منهم
يمكن أوحش بكتير
يمكن لو الكنز كان مكتوبلي
كان زماني قاعد في القصر بستلمه
في المحضر أنا المتّهم
لابس أحمر ليلة أرق
سِبت قلبي فين
فكّرني وأنا أفكّرك
تمام إنّك تبقى مش تمام
اغنية ليلة أرق – مروان موسى
Marwan Moussa – LELET ARAQ
كلمات: مروان موسى
توزيع: مروان موسى وحاتم
المزيد من أغاني مروان موسى
اغنية إسأل مجرب – مروان موسى
اغنية على فين – مروان موسى وكريم أسامة
اغنية ميكاڤيلي – مروان موسى وحليم تاج السر
اغنية كلميني بالليل – مروان موسى
اغنية روح بقلبك – مروان موسى