كلمات شيلة ليل الحنين أداء الوليد ال عامر بتتكلم عن ليل طويل يصحى فيه الشوق ويهز باب القلب، وتوصف حالة واحد مطارد بالذكرى، يسمع صوت حبيبه في خياله ويتلفت يدور عليه، يحس نفسه وحيد قدام جيوش الوله والهجر، ويقول إن الوصل من غيره ما له طعم ولو قال أحبك تغرق الدنيا من قوة إحساسه.
كلمات شيلة ليل الحنين – الوليد ال عامر
بعد غابت الشمس ودنت وحشتك يا ليل من الأرض والمرقاب
تولّى الحنين القلب واستسلم استسلام من تطارده دوله
أنا البارحة للمقفية ما فتحت الباب وهز الحنين الباب
وهبّت بذكرى عاصفة وشلعت بابي ولا فادت قفوله
تذكرت صوتٍ غير عن باقي الأصوات ولا ارتاحت الأعصاب
ما هو صوت عابر لا عبر ما يهز الروح بحسّه ومفعوله
وقمت أتلفت في مكاني رجاء لقياك يا سيّد هوى الأحباب
وبعد التفاتي خاطري حالته حاله لو الناس من حوله
أشوف الوله والشوق قامت تحشد جيوش ولا فيهم اللي غاب
وأنا واحد وكيف أنطح جيوش ما تنعد وكيف أكسب الجولة
يا ليت الهجر ماله طريقة على الأحباب ولا له محل إعراب
عشان الوصل بين المحبين ما تبقى خطاويه مشلولة
يا شين الهجر لا صار ماله سبب واضح نعدّه من الأسباب
يغيّر مناخ الوصل والحب كنّا أول نعيش أجمل فصوله
لك الله بدونك ما تريّح وقمت أشوف وجيه العباد أغراب
مثل من تغرّب عن بلاده سنين طوال وهو للوطن يوله
أنا ما عرفت الجاذبية من نيوتن.. من أسلوبك الجذّاب
بعد طحت في غبّة غرام الهوى ياللي شفاياك معسولة
لو أحوّل (أحبك) بحر هاجت الأمواج بلا ريب واستغراب
ويغرق بماه الأرض مع ساير السكان مدى عرضه وطوله
شيلة ليل الحنين – الوليد ال عامر
Al Waleed Al Amer | Layl Al Hanin
كلمات: فهد الخياري
أداء: الوليد ال عامر
توزيع: تون لايف
المزيد من شيلات الوليد ال عامر
رضاك
البتريوت
وداع المحبين
بنت الأكابر
مثل القمر