كلمات اغنية كنتوا فين لمحمود بتوصف لحظة المواجهة بعد الغدر والغياب. الفنان بيحكي عن الوجع اللي بيحس بيه الشخص لما يلاقي اللي كان مفروض يكون جنبه مش موجود وقت الحاجة. اللحن حزين وقوي، بيخلي المشاعر تطلع بكل صدق وتلامس القلب. اغنية كنتوا فين بتعبر عن إحساس ناس كتير مروا بتجربة فقدان الثقة في اللي حواليهم.
كلمات اغنية كنتوا فين محمود معتمد
كنتو فين
و انا في بحر الدموع لوحدي عايم
كنتو فين
و انا في قلق و خوف و حزن دايم
كنتو فين
في عزّ لمّا قلبي كان واجعني
كنتو فين
اكيد محدّش كان سامعني
عيني
ارجع احنّ و اسامحكو علي عيني
كده خلاص بقي و بينكو و بيني
محدّش فيكو تاني لا هيلاقيني
و مش عايز اي واحد يواسيني
انتو في حياتي كنتو فعلا زحمه
البعد عنكو احلالي و رحمه
اعاتب انا ليه ناس مش فاهمه
خساره يا لساني تنطق كلمه
مش عارف اجاري الاحداث
ازاي انا وثقت في ناس
ازاي
كنت اداويهم و يصبّولي سمّ في كاس
في الغدر ميتوصوش
لو كانو غالين مبقوش
طب لو
دول دهب يبقي اكيد مغشوش
عيني
ارجع احنّ و اسامحكو علي عيني
كده خلاص بقي و بينكو و بيني
محدّش فيكو تاني لا هيلاقيني
و مش عايز اي واحد يواسيني
انتو في حياتي كنتو فعلا زحمه
البعد عنكو احلالي و رحمه
اعاتب انا ليه ناس مش فاهمه
خساره يا لساني تنطق كلمه
بابي
مترجعوش تخبّطولي علي بابي
ولا ملامه ده خساره عتابي
هاتولي مرّه عملتو حسابي
يالي بيحلّالكو عذابي
لمّا نسيتكم عيشت في راحه
انا كلامي واضح بصراحه
قلبي الغلبان جوّه جراحه
اتفضّلو خمسه في استراحه
كنتو فين
و انا قاعد ببصّ في الرسايل
كنتو فين
و انا بموت و قلبي منكو شايل
كنتو فين
و المشهد بيتعاد قصّادي كامل
كنتو فين
سلام ب كمّلت الجمايل
اغنية كنتوا فين – محمود معتمد
Mahmoud meatemed – Konto Feen
كلمات: حازم اكس
الحان: فلسطيني
توزيع: خليل وشندى
المزيد من أغاني محمود معتمد
اغنية قدام مرايتي – محمود معتمد
اغنية سوق الجدعنة – امينة ومحمود معتمد