اغنية كلميني بالليل دويتو يجمع بين الرابر مروان موسى وليجي سي بتعكس حالة من الاشتياق والتفكير المستمر في الذكريات والعلاقة العاطفية اللي مرت بمراحل مختلفة. كلمات اغنية كلميني بالليل بتحمل إحساس عميق بالوحدة والرغبة في التواصل، كأنها دعوة للحوار الصادق بعيدًا عن التبريرات والأسئلة، كل ده وسط أجواء الليل اللي بيفتح باب المشاعر والحنين.
كلمات اغنية كلميني بالليل مروان موسى
بالحبّ وبالتّراضي
الدّنيا تلفّ بينا
والمتحف جوّا قلبي
مليان صور قديمة
فردي لو في معازيم ماباجيش
واضحه سيبوني ف ال Zone اللّي انا فيه
روحنا وجينا كتير على مفيش
سايبين التّساهيل دي على اللّه
و لسّه
رحلة طويلة بيننا
أروح معاكي لحتّة مفيهاش غيرنا
بس مفيش غيرِك انتي بيجمّلها
yeah
مش عايز اللّي أبات فيه أصبح فيه
انا عايز يومي يعدّي
مش عايز غيرك
مش عايز غيرك جنبي
yeah
لازم نتكلّم ف اللّي فاتنا ده كتير
سيرتِك ف دماغي ومش بوقّف تفكير
كلّميني ف أيّ وقت انا سهران كلّميني بليل
لمّا نشوف عيونك دولَ هيودّوني لفين
مش عايز أسئلة انا بحبّ كلامنا يبقى من غير ليه
كلّميني فأيّ وقت انا سهران كلّميني بليل
عبرنا بحور يا عزيزي
واحدة واحدة Take it easy
ف عقلي سطور إكتبيلي
بايع الأمور تيجي تيجي
إكتئابي لونه مش سواد
تمويه لابس Camouflage
نازل عادي اهو مع الشّباب
بس من جوّا شعور بالهلاك
وانا لو عليّا عايز أقفل باب
ومتعلّقش باللّي غاب
انا عندي مشكلتين
الأولى انّي مهداش والتّانية انّي مابنساش
انا كلّي جروح
مابتروحش بالوقت
حابس نفسي ف الوهم
عامل مش مهتمّ ودا مش سهل
yeah
لازم نتكلّم ف اللّي فاتنا دا كتير
سيرتِك ف دماغي ومش بوقّف تفكير
كلّميني ف أيّ وقت انا سهران كلّميني بالّليل
لمّا نشوف عيونك دولا هيودّوني لفين
مش عايز أسئلة انا بحبّ كلامنا يبقى من غير ليه
كلّميني ف أيّ وقت انا سهران كلّميني بليل
اغنية كلميني بالليل – مروان موسى
Marwan Moussa – KALEMENY BELEL ft. Lege-cy
كلمات: مروان موسى
توزيع: مروان موسى وحاتم
المزيد من أغاني مروان موسى
اغنية روح بقلبك – مروان موسى
اغنية العنوان – مروان موسى
اغنية فواتير العتاب – مروان موسى
اغنية فهمان دنيا – مروان موسى
اغنية بص يا كبير – مروان موسى