كلمات اغنية كلبش للفنان المصري احمد طرابيلي بتعبر عن حالة حب مجنونة ومليانة مشاعر متلخبطة. الأغنية سريعة الإيقاع وبتعتبر من الأغاني الراقصة اللي بتخليك عايز تقوم ترقص. أحمد طرابيلي قدر يوصل إحساسه وده اللي بيخلي اغنية كلبش قريبة من القلب. الكلمات بتعكس حالة من الحيرة والتعلق، وبتوضح قد إيه الحب ممكن يكون معقد ومليان تناقضات.
كلمات اغنية كلبش احمد طرابيلي
ده كَلبش وفِيا قَفش
وده حَبَّه في قَلبي نَفش
ده عَمَل في حَياتي لَبش
وترَني ووَرِقي نَشف
وأهو شَقلب كِياني أهو شَقلب كِياني
عَ زِيرو ومَفيهوش خَدش
آه يا إِبره في كُومه قَش
حبَّك عَمال يتفَش
أنا كومي وغَاوي أَقش
حَلاوته سَاحلاني فيه حاجه سَاحباني
إيه الحكَايه أنا ليه مَلوَّح عليه
هظبِّط زوايا من كُتر البَص عليه
وانت مَعايا مش شايف حد ليه
وليه خُطوه بخُطوه مَاشيها وراك
يتجَنن عَادي عَادي عَادي عَادي
يتنَك عَادي عَادي عَادي عَادي
زايد حَلاوه وبِغَباوه أنا حَابه لا إِرادي
قلبي خَلاص مِسلم وراضي
مِتركب فين مَعرفش
مَظبوط مش نَاقص طَاطش
قلبي دَق مِبطلش
دي فُرصه مِتتعوضش
ده مَفيش منه تاني ده مَفيش منه تاني
أهو ده اللي مِيتفوتش
دَورت كتير مَلقتش
قلبي ده بَقى كُوره كاوتش
في إيده ورُحت مَجتش
أنا قاعد مَكاني ومِتبت بسناني
إيه الحكَايه أنا ليه مَلوَّح عليه
هظبِّط زوايا من كُتر البَص عليه
وانت مَعايا مش شايف حد ليه
وليه خُطوه بخُطوه مَاشيها وراك
ده شُغل عالي عالي عالي عالي
وبلاش تَعالي انزل عَ الأرض بَقى وكده نُولهالي
اتقِل زياده تِشوف غَتاته لحد ما تِقولها لي
ثبِّتلي قلبي شَقلبلي حَالي
اغنية كلبش – احمد طرابيلي
كلمات: حسن أبو الحسن
ألحان وتوزيع: شادي زيدان