كلمات اغنية حضن أبويا غناء البلوجر أيسل خالد (الكابيتانو)، بتوصف الأمان المطلق اللي ملوش بديل في حضن الأب، وبترد على اللي بيختصروا دوره في المصاريف، بتحكي عن تضحيته وابتسامته اللي بتخبي تعب الشغل، وبتنقل وعد صريح بتحقيق النجاح والشهادة عشان ترفع راسه وتثبت إنه عرف يربي صح.
كلمات اغنية حضن أبويا – أيسل خالد
لَمّا يسألوني ويجوا يقولولي
إيه أكتر مكان بترتاحي ليه
بقولهم مفيش غير حضن أبويا
والدفى اللي فيه
دا مفيش أصلاً بعديه
ياما قالوا وقالوا عليه
إنه إي تي إم
وإن وجوده في حياتنا
مش مهم
يا حرام ما يفهموش
وكمان ميعرفوش
إن حُب بابا بيجري جُوّا الدم
يا بابا لَمّا نكبر هنقول لولادنا
إنّك كنت دايماً بتضحي علشانا
واللي نفسنا فيه كان دايما بيجيلنا
أنت وست الكل هنشيلكوا في عيوننا
لَمّا يسألوني ويجوا يقولولي
إيه أكتر مكان بترتاحي ليه
بقولهم مفيش غير حضن أبويا
والدفى اللي فيه
دا مفيش أصلاً بعديه
طول الليل سهران
في شُغله شقيان
ولَمّا يجي البيت يبان إنه فرحان
نروح ونجري عليه
ويضُمّنا بإيديه
والله حضن أبويا بالعالم واللي فيه
حلمك هحَقّقهولك
عمرك ما تكون بطولك
بكرة آخد الشهادة والكل يغَنّولك
عرفت تربّي يا بيه
طبعاً أومال إيه
أهو دا الحب الحقيقي اللي يتقال عليه
لَمّا يسألوني ويجوا يقولولي
إيه أكتر مكان بترتاحي ليه
بقولهم مفيش غير حضن أبويا
والدفى اللي فيه
دا مفيش أصلاً بعديه
اغنية حضن أبويا – أيسل خالد
Aysel Khaled – Hodn Aboya
كلمات وألحان: خالد الكابيتانو
توزيع: التوينز
المزيد من أغاني أيسل خالد
حكاية سنة لـ أيسل خالد
أختي حبيبتي لـ أيسل خالد
الحالة بتجيلي لـ أيسل خالد
مدارسنا رجعت لـ أيسل خالد