كلمات اغنية حبي الأولاني للفنان ليل المحمدي بتحكي عن حب صادق من القلب، مليان شوق ولهفة واعترافات طال سكوتها. الأغنية رومانسية، فيها كلام ناعم عن الحلم اللي اتحقق، والخوف من خسارة شخص غالي.
كل كلمة فيها بتعبر عن مشاعر حقيقية، وعن قلب بيطلب فرصة يعيش الحب اللي طول عمره مستنيه. لو بتدور على كلمات “حبي الأولاني” مكتوبة وكاملة، تعالى نقرأها سوا.
كلمات اغنية حبي الأولاني – ليل المحمدي
عندي ليكى كلمة واحدة
إسمحيلى ولو ثوانى
كلّ ما آجى أحكى وأقولها
فجأة يتلجّم لسانى
خوفت بكره تضيعى منّى
ومش هشوفك جنبى تانى
جاى أقول إنّى بحبّك
وإنتى حبّى الأوّلانى
عمرى ما إرتحت فى حياتى
إلّا بس قصّاد عنيكى
كنت بتقدّم وأكافح
كنت نفسى أليق عليكى
إنتى حلم سعيت عشانه
حقّقيلى حلمى بيكى
قولى ردّك ريّحينى
حياتى دلوقتى فى إيديكى
إحتياج وإشتياق
حبّ عشق غرام حقيقى
من زمان قلبى كان
مستنّى بس اللّحظه تيجى
إنتى عارفه هيجرى إيه لو قبلتى تكون جنبى
هخطفك م الدنيا ديّا وأعيشك علطول فى قلبى
إنتى مكسب عمرى كلّه واللّيلادى أنا مش هخبّى
لو رفضتى هتقتلينى ترضى يعنى تشيلى ذنبى
قرّبيلى هتعرفينى
شوفى جوّه عندي إيه
عندي ليكى قصر عالى
ناقص بس الملكه فيه
إلبسى تاجك فى قلبى
إنتى ملكه خلاص عليه
وإصدرى مرسوم وقولى
موافقه أكمل عمرى بيه
وعد عمرى ما اخون وعودى
هصون عيونك متخافيش
إنتى أصلا إلّى زيّك
فى الحياه دى متلاقيش
إنتى محفوره فى روحى
سبب حقيقى إنّى أعيش
إنتى فى عيونى أمانه
قرّبى ومتفكّريش
إحتياج وإشتياق
حبّ عشق غرام حقيقى
من زمان قلبى كان
مستنّى بس اللّحظه تيجى
إنتى عارفه هيجرى إيه لو قبلتى تكون جنبى
هخطفك م الدنيا ديّا وأعيشك علطول فى قلبى
إنتى مكسب عمرى كلّه واللّيلادى أنا مش هخبّى
لو رفضتى هتقتلينى ترضى يعنى تشيلى ذنبى
قرّبيلى هتعرفينى
شوفى جوّه عندي إيه
عندي ليكى قصر عالى
ناقص بس الملكه فيه
إلبسى تاجك فى قلبى
إنتى ملكه خلاص عليه
وإصدرى مرسوم وقولى
موافقه أكمل عمرى بيه
اغنية حبي الأولاني – ليل المحمدي
Lil Elmohamedy – Hoby Elawalany
كلمات: خالد شعراوي
الحان: مصطفي مجدي
توزيع: صابر ڤان بيرسي
المزيد من أغاني ليل المحمدي
عروسة البحر
أحلى واحدة
ضحكتي الكدابة
البدايات
بعد فراقنا