كلمات اغنية حبك وطن غناء الفنان المبدع ليل المحمدي، بتوصف حبيبة تشبه نسمة الصبح وغنوة قديمة وضحكة طفل وسندة وقت الضيقة، يتحول قربها لوطن مليان سلام وراحة وقلبها حنية من ريحة زمان، يشوف فيها الأسطورة والورد والشمس، والنهاية إحساس عشق آمن وناعم يطمن القلب.
كلمات اغنية حبك وطن – ليل المحمدي
زي نسمة خفيفة هادية في صبحي بتفَتّح عيني
زي غنوة قديمة تاخدك م الزمان اللي أنت فيه
زي وردة بقالها قلب زَيّنت أجمل بوكيه
زي سندة في وقت ضيقة حلم واتحَوّل حقيقة
زي ضحكة طفل لِسّه حبيبتي مولود من دقيقة
صعب ألاقي في يوم طريقة تقول بحِبّك قد إيه
واخدة م الأساطير غموضها واخدة م البساتين ورودها
حُبّي ليكي يفوق حبيبتي الأرض بسماها وحدودها
عينيكي في الأيام دليلي شمس بتنَوّر في ليلي
كل حاجة بتبقى أحلى لَمّا بس تقَرّبيلي
حُبّك وطن مليان سلام ومكان بلاقي راحتي فيه
جُوّاكي طيبة بريئة خام من نظرة قلبي تفَرّحيه
قلبك ما يوصفهوش كلام حِنّية من ريحة زمان
إنتي الجمال وبشكل عام الحُسن كُلّه تلَخّصيه
واخدة م الأساطير غموضها واخدة م البساتين ورودها
حُبّي ليكي يفوق حبيبتي الأرض بسماها وحدودها
عينيكي في الأيام دليلي شمس بتنَوّر في ليلي
كل حاجة بتبقى أحلى لَمّا بس تقَرّبيلي
اغنية حبك وطن – ليل المحمدي
Lil Elmohamedy – Hobak Watan
كلمات: هبة علي
ألحان: ليل المحمدي
توزيع: صابر فان بيرسي
المزيد من أغاني ليل المحمدي
انت الخسران – ليل المحمدي
ريحة غيابك لـ ليل المحمدي
جواب متساب لـ ليل المحمدي
متتعاشرش لـ ليل المحمدي
يا سنيني لـ ليل المحمدي