كلمات اغنية هتوصليني ولا غناء هشام يوسف، بتحكي عن خناقة بين اتنين في العربية. الأغنية بتدور حوار ظريف بين راجل وحبيبته، بيفكرها بكل اللي عمله عشانها وإنه مستعد يطلب أوبر بس نفسه يتصالحوا. تعالوا نضحك مع كلمات هتوصليني ولا اللي بتوصف مشكلة حب بطريقة كوميدية عصرية.
كلمات اغنية هتوصليني ولا لـ هشام يوسف
هتوصّليني ولا
هتسيبيني امشي لوحدي
أنا ممكن اطلب أوبر
وهيجي لحدّ عندي
بس تعالي نتمشّى أنا وإنتي شويّة
نرغي ونتكلّم حبّة في العربيّة
ناخد وندّي ونصفّي النيّة
شكل منّي قلبك معبّي
متقولي إللّي إنت عايزاه وأنا مش هقطعك
طول عمري بقدّرك ومديكي وضعك
على الحلوة والمرّة أنا استحملتك
ما إنّك ياما كسرتي قلبي
هتصالحيني ولا
ولّا اسيبك وانزل
إنتي واخداني فيه دوكة
وأنا فاضي مش مستعجل
طب واحدة واحدة وبراحة وحبّة حبّة
ده انتي الحتّة الشّمال والكفّة إللّي طبّة
متأفوريش وتعملي من الحبّة قبّة
خدي معايا في الكلام ودّي
احكي وقولي مش عايزة إنتي وراحتك
لو جت ع التّوصيل ده أنا يا ما وصّلتك
هشوف أخرتها معاكي وإيه إللّي حصلك
كانت حياتنا فلّ وردي
اغنية هتوصليني ولا – هشام يوسف
Hatwasalene Wala- Hisham Youssef
كلمات والحان: وائل عقيد
توزيع: اسامه عبد الهادي