كلمات شيلة حمي الوطيس للفنان خالد ال بريك بتتحدث عن الفخر والشجاعة والكرامة اللي يتميزوا بيهم الناس الأصيلة. الشيلة بتصف القوة والصمود في مواجهة التحديات، وكيف الناس متحملين كل صعوبات الحياة بقوة وشموخ. كلمات شيلة حمي الوطيس بتجسد الروح الشامخة والعزة اللي بتعيش في كل جيل، وتوضح إن العز والكرامة تترسخوا في تاريخ العائلات النبيلة.
كلمات شيلة حمي الوطيس لخالد ال بريك
حمي الوطيس وعوى الذيب وتغنّى حادي العيس
يَ الله بـ حظٍ يمثني بيرقي روس الطوايل
طلايب الوقت تال الوقت مَ ترحم الأحاسيس
كم فرحةٍ كذّبوها واقفت توّن الغلايل
ادخل على الله خلّوني لا جرّيت المناكيس
كثرت ديون الحزن والضحك فـ ارقبته جمايل
أنا بدويٍ في كبده مرّ وطروقه مقابيس
أموت شامخ ولا اعيش العمر عيشة ذلايل
مثل مَ فـ الراس شعر العبسي وطيش إمرؤ القيس
في راسي من القدا عرفٍ تقادح به فتايل
ماهي بلحية مجامل لـ ارحم الله نفخة الهيس
ثوب المدايح تهندامه يبي صادق دلايل
لـ المرجله فوعه وميدان ومدابك وفرّيس
ولا كلّ سيفٍ يخضّب فـ اللقى دم الجزايل
قل يَ فهد بن عجب واتعرف وش وقع الاشاويس
الي مراكيضهم آحر من شمس القوايل
هذا ابن عمّي ليامن عدّو بعاد المراويس
من لامني يوم اماري ديدنه والراس طايل
اظفر من البندق اليا قرح واعصا من الكوابيس
وأبيَن من البارق اليا لاح وأصفى من المخايل
يَ عنك مَ مات من خلّف على الدنيا قرانيس
منهاجهم منهج شريّان حمّاي الدبايل
لاعبني امجادك امجادك ماهي دحّه وتهويس
لا والله إلّا مصادم روس ومصاقل فعايل
تطري عليّ كلّ ما طرّو هل الخيل النواميس
واقول في خاطري وش عاد خلّا لـ الحمايل
يَ بو عجب وانت من يقلط لها مقلاط عرّيس
ولا غيرك اللّي نتعزوا به لجا وقت الصمايل
إن جيت لـ القسم رهّاج الجدل رهج الكراديس
وإن جيت لـ الاسم عسّاف النعم عسف الاصايل
تقدّم وحطّ معدالك على الريس وهل الريس
عرش الاوايل بساطك وانت خزّام الاوايل
مَ جبت غير اللّي طروقه توقّف كلّ جلّيس
تقول غِنّاي طاروق الجنازه دون حايل
الحي يحيّيك لاتحن الخصم لو ينفض الكيس
مَ لـ الحمول الثقيله غير شيّال الثقايل
أبوك أبو جبيل سبّاي الخطر عون المحابيس
عجب عجب عيننا لا هازو القوم المثايل
كم صيحةٍ فـ الغزو مخلف صداها هدرت العيس
جوّب لها عويَه ونزّح لـ اهلها كلّ عايل
إيه الله الله وهذا دلّنا منّا مفاليس
شرهين وعلومنا شرهات ونسوي الهوايل
حنا على الناس نارٍ متّقي من شرّها إبليس
الله لا يواثم ألاد الحريجي فـ القبايل
مافي تواريخنا بين العرب خلف الكواليس
أشرس تواريخ وأصدق مرجله وأطيَب سلايل
شيلة حمي الوطيس – خالد ال بريك
Hami Al Watis – Khaled Al Buraik
كلمات: سلطان الخشيل
أداء: خالد ال بريك
المزيد من شيلات خالد ال بريك
كلمات شيلة تل قلبي – خالد ال بريك
كلمات شيلة ما غفا الجفن – خالد ال بريك
كلمات شيلة ركن الزكور – خالد ال بريك
كلمات شيلة دقات قلبي – خالد ال بريك
كلمات شيلة لاقلت من حرب – خالد ال بريك