كلمات شيلة حالة طوارئ أداء الجفراني، بتكشف عن أجواء التحدي والحماس في مهرجانات الإبل وبتحكي عن الفخر برؤية الوطن وعز القبايل. الشيلة عبارة عن رسالة قوة للمنافسين وبتوصف شجاعة “نشمي” في الميادين الصعبة وسط حضور مهيب، حالة من الفخر والعزيمة بتفرض السيطرة وبترسم ملامح النصر والهيبة في كل بيت.
كلمات شيلة حالة طوارئ – الجفراني
قبل لا نبدع جديد القاف وجزال المثايل
لا إله إلا الله المعبود مبدأ كل قاله
رؤية محمّد عظيمة كنّها وبل المخايل
يرخص الرجال روحه لأجلها ماهو بماله
كله لعين الاسم جينا ومطلبنا الأوائل
مانبي شوطاً بديل ولا نبي مركز بداله
بيّض الله وجه ابن حثلين كساب الجمايل
يوم طوّر مهرجان البل بتحقيق العدالة
والتحدي فالمزاين عسر ماهو بالسهايل
مايغرّه غير جاهل ضيّعوه أهل الجهالة
ماورى بعض الوعايد والكلام إلا الفشايل
واحدن ماهو بقد القول مدري ليه قاله
ويش عذره يوم ثارت عجّة الخيل الأصايل
شرهته على الشوير ومنّته على رياله
الصياهد ماتبي إلا الكفو شيّال الثقايل
أبلجاً يوعد ويوفي وإن حمى الشوط احتمى له
علّموا نشمي لامنها وصلت خشوم الفتايل
يعتبرني مثل أخوه وعنده أقرب من ظلاله
نشمي اللي لاسمه الطيّب على فعله دلايل
أشهد أنّه نشمي اسم وفعل والتوفيق فاله
شيخ شمل أهل النظر والفعل في سبع القبايل
من رضى غصباً عليه ومن سكت ماله جماله
إن قنع وإلا أقنعه فالشوط لا جات الصمايل
لا خذا الأول عليه وبالتصاريح استوى له
علّم اللي ممتحنّا فالتواصل والوسايل
ويش عنده فالكلام اللي يقول ووش طراله
يتحدّى ويتعدّى ويتمادى بالرسايل
ماينافسنا الوكيل اللي مفوّض بالوكالة
من طلبنا للتحدّي لا يغايب ويتحايل
يتقدّم ويتحدّانا براسه وبحلاله
أعلنوا حالة طوارئ شوطنا فيه الهوايل
من يبي درب السلامة ينفذ بماله وحاله
من حضر معنا يشوف بعينه نجوم القوايل
المنصة لا حضرنا مقبرة ماهي بصالة
ندفن أحلام المنافس حيّ وعيونه تخايل
ماله إلا الحسرة وصفقة يمينه في شماله
جات رؤية نشمي اللي بالنظر صايل وجايل
مضربه فالفردي أخلفكم وبالجمل الكمالة
جات صفرن نخبوية ساقها يابس بلايل
كل مفرودة بقيمة فلّة ولكزس وكالة
أتفقتم فالخفى والسر من كل الفصايل
واجتمعتكم ضد نشمي وانتصر نشمي لحاله
فوزنا واحد ولا هي بيننا والشك زايل
فوزنا لمطير فوز وفعلنا لمطير طاله
شيلة حالة طوارئ – الجفراني
Halat Tawari – Al Jafrani
كلمات: مسلط الميموني
توزيع: تون لايف
المزيد من أغاني الجفراني
شهرت حبك
الصحيح يصح
نار التنافس
الشوط الصعب
اسامينا الكبيرة