كلمات اغنية حضرات السادة لأكرم حسني ومريم عزيز تتر مسلسل “الكابتن” بتمزج بين الفكاهة والرسالة الجادة. الأغنية بتدعو الناس للاستمتاع بالحياة وعدم الاهتمام بالهموم والمشاكل. الكلمات بتعكس روح التفاؤل والفرحة، وبتحث الناس على الرقص والضحك والاستفادة من اللحظات الحلوة. اغنية حضرات السادة بتمثل دعوة للاستمتاع بالحياة وتقدير العلاقات البسيطة والصادقة.
كلمات اغنية حضرات السادة لـ أكرم حسني
حضرات السّادة برجاء الإنتباه
ده النّداء الأخير الّذي ياما اتقال كتير
حضرات السّادة بقول أهو وبعيد
للقريب والبعيد للصّغير والكبير
الّذي راح راح و الّذي فات مات
و الّذي كان كان يبقى ماتشتكيش
قوللي مين مين استفاد فاد
لمّا عاش عاش من غير ما يعيش
ليه نخلّيها فرصة ضايعة
لسّه فيها خروجة صايعة
طظّ في النّاس الّتي بايعة
سيبك من كلّ الّذي ضاع
زقططة أوّل مقابلة
كلمة سرّ وضحكة هبلة
رحلة طالعة و جايبة طبلة
رقّصونا عالإيقاع
إلحق ارقص رقصة حلوة
تترقّص علي غنوة حلوة
تتلعب في وسط لمّة
لمّا تبقي اللّمة حلوة
إلحق قول أسف بجدّ
إلحق احضن أيّ حدّ
ده الّذي يدي حدّ حقّ
أحسن بردو من الّذي خدّ
يا حظّه الّذي حظّه من الدّنيا
أنّه عاشها في سعادة يا حظّه
يا بخته الّذي من بدري فهمها
دي ملهاش إعادة يا بخته
يا بخته عشان محظوظ
بتضحكله لمّا يعوز
و تلوي لغيره البوز
و يجوز تسيبله الحراح
في الهمّ زُق زُق وقوله تُؤ تُؤ
مش عايزك لأ لأ
مش طالبة خالص عكنّنة
لو كلّه طيخ طاخ اقلبها هئ مئ
ما هو أنت تستحقّ
تدلّع نفسك كام سنة
إلحق امشي في الشّوارع
اتعشّي طاجن كوارع
فعل عيش خلّيه مضارع مستمرّ طول حياتك
لو بتحبّ قول و عبّر
زعّلوك و ماله كبّر
هو أصلا إيه يصبّر
غير الضّحك عاللّي فاتك
اغنية حضرات السادة – أكرم حسني
Hadarat El Sada – Akram Hosny Ft. Mariam Aziz
كلمات: أكرم حسني
ألحان: كريم عاشور وأحمد وحيد
توزيع: أحمد وحيد
المزيد من أغاني أكرم حسني
كلمات اغنية زامباهولا – شارموفرز وأكرم حسني
كلمات اغنية يا خراشي – اكرم حسني
كلمات اغنية هنهد الدنيا رقص – اكرم حسني
كلمات اغنية على مين يا اسطى – اكرم حسني