كلمات شيلة هب يابعض الوجيه أداء خالد المري، بتحكي عن عزة النفس والتمسك بسلوم الأهل والقبايل، وبتكشف مواقف الحزم مع اللي بيخطوا في حق الرجال. الأبيات بتناقش أهمية الصدق والوفاء وحماية الجيرة، وبتوضح قوة الرد على كل شخص بيحاول يقلل من قيمة الكبار. العمل بيبث روح الشجاعة والفخر.
كلمات شيلة هب يابعض الوجيه – خالد المري
استلم يا قهوجي ضوّي وصفّ دلالي
دلّةٍ فاحت تساق ودلّةٍ جاذيها
خدّر البرّاد واجمع غترتي وعقالي
البيوت اللي على الخاطر سرا ساريها
لك عليه حبكة البيت الحشيم الصالي
العرب دون المجنّن بلشت بصاحيها
اللي يرضاها على غيره ماهوب أمثالي
وزود مرضاها على روحي ولا أمشيها
سلمنا وسلوم أهلنا لطمة العيّالي
ماهقت فينا الخبول ولا نفكّر فيها
يا المثاري لا تقلّد حلق ثوباً بالي
لا تساويها على قلّتك وتضويها
لا تعرّض وجهك الحذفة وبالك سالي
هبّ يا بعض الوجيه الطقّ ما يخطيها
القبايل خلّها تعال أبيك لحالي
عندي أبياتاً جديدة توّي مغنّيها
نحفظ الجيرة ونحشم كلّ قدرٍ عالي
جازني فالطيبة هقوتك وش مردّيها
الرجال اللي تقدّر رفقة الرجالي
قبل لا تلحقني الشرهة تشمّ يديها
الخطأ جا من طرفك الأوّلي والتالي
احتزم والبادي أظلم سوق يا باديها
يوم جينا للمارا الذرب بالختالي
قلت لك كلمة ولا برّرت وش داعيها
عقبنا سوّيتها للأجنبي طوالي
ولا حنّا من حميّا ربعنا نمشيها
وين أحصّل راسك أطقه مراحك خالي
يمكن الفيّة تكفي عنك لو أجيها
للوعد جينا ما جيت أثرك فيك جفالي
ليه هالشغلة تكرّر معك وتسوّيها
انفجر غلّك بعد ما جاك ضغطٍ عالي
وأنت منت بداري شفيها وش مافيها
أقدر أزوّد بكيلتها ولا في بالي
لو مداها أنت وبني شكلك حدا حاديها
فقصراي الغانمين وطيبين الفالي
رفقة أهل الطيب ما أسمح لك تخسّرنيها
أنت في صدمة هزيمة غرّك العذالي
فتنةٍ ماتت من الضيقة تبا تحييها
طقّ باب اسمع جواب يقابل السؤالي
ضجّة الإعلام ما ترفعك يا باغيها
حنّا أهل طرح العقيد وشربة الفنجالي
كيف تنفي البيّنة والغدر ما تنفيها
ليه ابن عمّك تنقّى فابن عمٍّ غالي
لا تجيب السالفة وتسجّ من تاليها
لو قلبت الصدق كذب ولو قعدت تلالي
الحقيقة ثابتة كذبتك ما تلغيها
من حدّر يمّ القصيم وجرّ له موالي
السوالف سالفة واد الرشا تنهيها
عن مثاني نجد محدّياً على أشهب لالي
تبغا تصدّق قل طوارف نجد وأقاصيها
لو نمشّيها لعاقل طاشت الجهالي
ألغت حقوق الرجال وطمّت أساميها
لو بغينا نفرز الشاوي من الوبالي
والله إنّك تدري إنّك منت في واديها
والنهاية لا أنت خصم ولا أنت راس المالي
أنت مثل اللي يشبّ النار ويصاليها
شيلة هب يابعض الوجيه – خالد المري
Hab Ya Baad Al Wajeeh – Khaled Al Marri
كلمات: تركي السلات