كلمات اغنية جاري البحث للفنان المصري احمد سعد بتعبر عن حالة من التوهان والبحث عن الأمان في وسط دوامة الحياة. الأغنية بتتكلم عن إنسان بيدور على راحة البال والأمان اللي بقى صعب يلاقيه في الزمن ده. أحمد سعد بصوته القوي وكلماته المؤثرة بيحكي عن مشاعرنا واحنا بنحاول نلاقي طريقنا وسط التغيرات اللي بتحصل حوالينا. اغنية جاري البحث بتلمس قلوبنا لأنها بتعبر عن واقع بنعيشه كل يوم.
كلمات اغنية جاري البحث احمد سعد
وجاري البحث عن إنسان
مازال عايش ومطمن
ينام ويقوم حياته أمان
ماهوش خايف وبيأمن
مابين الثانية والثانية
بتتبدل بينا الدنيا
ونلقى التوهة واخدانا
نصبر نفسنا وإحنا
بتتغير ملامحنا
ونتغفل على خوانا
في غمضة عين يضيع اللي اتبنى في سنين
نعيش تايهين
عاملين فاهمين
في دوامة وحياة مابقتش مفهومة
متاهة ومين يريحنا بمعلومة
وجاري البحث عن ماضي
يفكرنا بحياتنا زمان
ومين فينا عايش راضي
ومين في الدنيا مش تعبان
دي كورة نار وشايلانا
ومن رحمة سايقانا
ومش لاقين لنا بداية
وزي ما ترسى عايشينها
وسكة طويلة ماشينها
ولا شايفين ليها نهاية
في غمضة عين يضيع اللي اتبنى في سنين
نعيش تايهين
عاملين فاهمين
في دوامة وحياة مابقتش مفهومة
متاهة ومين يريحنا بمعلومة
اغنية جاري البحث – احمد سعد
كلمات: عماد عبيد
الحان: هاني فاروق
توزيع: إسلام شيتوس