كلمات مهرجان فركش لإسلام كابونجا بتولع الجو بأسلوب شعبي جريء ومليان طاقة. الأغنية فيها كلام عن القوة، والسيطرة، والجدعنة وسط عالم مليان خصومات ومعارك، وكل سطر بيأكد إن الرجولة مش بالكلام، إنما بالفعل. لو بتدور على كلمات مهرجان “فركش” مكتوبة، ستجدها هنا كاملة.
كلمات مهرجان فركش – إسلام كابونجا
فركش أيّ تجمّع حاضر
آمنوا على نفسيكو خدوا ساتر
أنا هضرب صواريخ وقنابل
الجاي ع الكلّ دمار شامل
ع الأرض ساحبين كساحات
في الجوّ بنضرب طلقات
شدّوا على راسكو الصّدّادات
كلّ الجي على الإيد واكل
الأكشن جاي بعد التّشويق
مش هفرّق مذنب وبريء
هشيل كلّ اللّي ع الطّريق
ما دام واخدين الصّيت سباق
أنا همسح صيتكو بحركة واحدة
هديكو بسلاحي شهادة جودة
مع أيّ خصم في أيّ حتّة
أنا جاهز للجولة ومشتاق
في العجمي واقف الحكاوي
منبع جرايم وبلاوي
المشاكس أحمد الشّعراوي
شارع الزّهراء جيهتي ومكاني
أجراء مقاتل مؤمن هاني
وجنتل الجيل مازن هاني
مع احترامي للأسامي
مؤمن هاني ومازن هاني
اللّي قصّادكو من اللّي شافه
شال أمّا اتقطّعت كتافه
ما فيش غير الصّحّ اللّي أعرفه
وانتو الصّحّ بتاعكو غلط
بعمل عشاني مش عشانكو
عملت صيت شطب تاريخكو
طلعت أكلت الجوّ منكو
بقيت ضهر ليكو وسند
سلاحي متعفّرت من الدّم
مسعور للحم أيّ خصم
بفتح جراح مش بتتلمّ
بدشدش وبكسر الأرض
دارس الإجرام والانحراف
وعندي قلب مش بيخاف
عايش في حرب الاستنزاف
ما فيش أيّ مجال للندم
يا للّي المصلحة بتدوّركو
عندي كام مصلحة عشانكو
بسّ اثبتوا الأوّل إخلاصكو
أصل المتشال عكس اللّي داير
كلّه متسجّل جوّة الجدول
والبقاء للّي نفسه أطول
عشان اللّي بيضحك الأوّل
بيتضحك عليه في الآخر
لومانجي مش مافيا وعصابات
دخلت معارك وجولات
مسجون ساكن عنبر جنايات
نزيل حافظ الزّنازين
ماسك الأوض مصلّب مصلّب
وسلاحي مغراز سنّ عقرب
لمّا أقفش الأوضة بتتكهرب
وبيتداروا تحت البطّاطين
واقف بذيع ع النّضّارات
بدبّ برجلي ع البلاط
ببهدل جسمي خبطات
بجدّ شكلي كان مترسي
عنيد ما يكتفنيش حديد
افتح يا باشا أنا جضيت
طول ما أنا مسجون ترانزيت
الحبسة سلمي مش هتمشي
مطروش ودماغي مطرشمة
على لحم دماغ الجمجمة
في رحلة بحث عن الأنا
أنا شفت بلاوي متلتلة
أنا شفت بشر بياكلوا في بعض
شفت ما حدش شايف حدّ
شفت الهزار بيجي في الجدّ
وجيل خارج عن السّيطرة
يا ربّ رجّع كلّ غايب
من بعده مش لاقي حبايب
عندي استعداد مكانه أحاسب
أنا نفسي أشوفه بعينيا
واحشني والحديد حايشني
سيب أخويا يمشي وكلبشني
غيابه مجضّضني وقفشني
الله يهوّن عليه وعليّا
ملوك الجدعنة والمحبّة
أشيك بفّة وأجدع صحبة
لو نسحب بنعملوا سطوة
من جولة جيم أوفر اللّعبة
إحنا إخوات لو على جنايات
محاربين قدّ أيّ خصومات
ساحبين أسلحة على استعداد
بسّ أخصامنا مش حمل جولة
بنتي انتي وروحي يا بت
بعشقك أكتر من أيّ حدّ
عشانك أخصم طوب الأرض
وأعمل لأجلك المستحيل
حبيبتي يا ستّ البنات
حبّك جوّة قلبي زاد
بندم على كلّ يوم فات
ده عدّى من غيرك يا جميل
أرض العجمي ثابتة حضورها
أبطال مسيطرة بصيتها
أحمد الشّعراوي أشيك واجهة
أحمد الشّعراوي برنس العجمي
يفكّ ضيقة أخويا يا زمان
يرجع فارس شارع الرّضوان
مؤمن هاني سيّد الجدعان
مبدأه ثابت مش بيجلي
فادي شارون صيته دهب
راجع مهما طال الغياب
يفكّ ضيقة أجدع صحاب
دي رسالة من أخوك الشّعراوي
مازن عامل هيبة أساسه
مازن مشرّف نفسه وناسه
ما حدش يجي ع اللّي يخصّه
الجدعنة ذكرت على حسّه
عبد الله عدلي ده خطير
سيطرة في أوّل الهانوڤيل
عبد الله عدلي اسمه تقيل
لكن طبعه خفيف ع القلب
إسلام كابونجا ده الدّبّابة
فيجو الدّخلاوي رئيس عصابة
ديشا المصري وحش الكتابة
أسود مسيطرة ع الغابة
وليد لمبادا والقنّاص
ودولسيكا وكبو الأساس
الواد خطر ده حمو شيكا
من العجمي ساحبين السّحابة
مهرجان فركش – إسلام كابونجا
Eslam Kabonga – Frkse
كلمات: ديشا المصري
توزيع: فيجو الدخلاوي
المزيد من أغاني إسلام كابونجا
كبيري ربنا
لم كتافك المرفوعة
اوه ماي جوتو
وريتك الخير
مع السلامة