كلمات اغنية في قربك غناء محمد فؤاد، بتوصف حالة السعادة والرضا اللي بيعيشها الحبيب في وجود حبيبه، وبتحكي عن السند والقوة اللي بيستمدها منه عشان يواجه همومه، عبارة عن شكر للقدر اللي جاب الشخص اللي بيعوض عن سنين التعب اللي فاتت. ودي كلمات الأغنية كاملة عشان تعيش الحالة.
كلمات اغنية في قربك – محمد فؤاد
في قربك كلّ حاجة بتبقى في عيني حلوة
وجودك جنب منّي بيدّي قلبي قوّة
بحبّ أسمع كلامك بحسّ إنّه غنوة
في قربك كلّ حاجة حلوة
بقيت بحبّ شكلي وإنتي باصّة ليّا
معاكي همومي بقيت بشوفها حاجات عاديّة
بحسّ إنّ إنتي شبهي وطباعنا هيّ هيّ
في قربك كلّ حاجة حلوة
بشوف أحلامي فيكي
وبتزيد قيمتي بيكي
هاعيش العمر ليكي
يا ريت أصلاً يكفّي
وغيرك ليّا مين
يا تعويض عن سنين
وأيّام متعبين
ما جوش ولا يوم في صفّي
دعيت طول عمري أقابلك ربّنا استجاب لي
بعيش إحساس معاكي محدّش عاشه قبلي
ده عمر جديد يا عمري وأنا معاكي اتكتب لي
في قربك كلّ حاجة حلوة
يا دوب حبّك ناداني لقيت الفرحة جاية
هحتاج إيه بسّ تاني وإنتي قصاد عينيّا
وأخاف من إيه يا روحي وأنا مأمّنك عليّا
في قربك كلّ حاجة حلوة
بشوف أحلامي فيكي
وبعرف قيمتي بيكي
هاعيش العمر ليكي
يا ريت أصلاً يكفّي
وغيرك ليّا مين
يا تعويض عن سنين
وأيّام متعبين
ما جوش ولا يوم في صفّي
اغنية في قربك – محمد فؤاد
Mohamed Fouad – Fi Orbic
كلمات: لؤي الجوهري
ألحان: أحمد زعيم
توزيع: عمرو الخضري
المزيد من أغاني محمد فؤاد
أنا مطمن
معاك من اول يوم
احكيلك
ليه