كلمات اغنية في عنا بيت للفنانة عبير نعمة بتغمرنا بدفا ومشاعر “عيد الميلاد” الحقيقية، وبترسم صورة مليانة حنين للبيت واللمة وسط “الشتي” والألوان، مع رسالة حب وأمل إننا نرجع نعيد وقت السلام وننسى البعد بوجود “شجرة ونار وأسرار”. حالة شتوية بتلمس الروح.
كلمات اغنية في عنا بيت – عبير نعمة
في شي مغيّر بوجوه الناس بالطرقات
في شي مغيّر بضحكة الأولاد
في شي أحلى بالمدينة
في شي بذكّر بكل الأبعاد
الأغاني كأنّه في عندها معنى جديد
المعاني أجمل من كل الكلمات
في شي إلك بقلبي عم يرجع أكبر بعيد الميلاد
بحبّك أكيد وعندي كلام
وعندك كلام
وعنّا سوا ذكريات وأحلام
وما تضلّ بعيد
نرجع نعيد وقت السلام
في عنّا بيت وميّة يا ريت
في عنّا شجرة وألوان ودفا وأعياد
في عنّا نار وحب وأسرار
وعنّا صورنا سوا بكل البلاد
آه… آه…
آه… آه…
الشوارع الغرقانة بالشتي واللون
مطارح كتبناها بحكايات
أماني منخلّيها ثواني منخبّيها ومنحياها
يمكن سبقنا الوقت بخطوة أو باثنين
بس الأمل ناطرني بإيديك
والعيد اللي ببالي يمكن إنسى سؤالي بعينيك
بحبّك أكيد وعندي كلام
وعندك كلام
وعنّا سوا ذكريات وأحلام
وما تضلّ بعيد
نرجع نعيد وقت السلام
في عنّا بيت وميّة يا ريت
في عنّا شجرة وألوان ودفا وأعياد
في عنّا نار وحب وأسرار
وعنّا صورنا سوا بكل البلاد
شو بدّو يصير تأخّرنا كتير
وهلّق حبيبي يمكن في إيام جداد
يمكن تصير بعيد الميلاد
يمكن تصير بعيد الميلاد
آه…
اغنية في عنا بيت – عبير نعمة
Abeer Nehme – Fi Aanna Bayt
كلمات: وسام كيروز
ألحان: وسام كيروز
توزيع: سليمان دميان
المزيد من أغاني عبير نعمة
شو بعمل
أمل
من بعدك
إحساسي
صدقني نسيتك