كلمات اغنية فيها إن غناء حمزة نمرة من ألبوم احكي بتنقلنا لقلب مستغرب من هدوء الدنيا المفاجئ، شايف ألوان وفرحة قدامه بس قلقان ومش مطمن، بين رغبة يفرح وخوف يكون ورا الضحكة حاجة تانية، وكأن كل خير جاي له فيه سر مستني يكشفه.
كلمات اغنية فيها إن – حمزة نمرة
جابت ألوانها وبتلّون على غير العادة
وأنا متفاجئ إنها عندها لون غير السادة
حيران قلبي ومش متطمّن
لسّة بتتمادى
عايز يفرح لكن خايف يفرح بزيادة
(عايز يفرح لكن خايف يفرح بزيادة)
أكيد فيها إِنّ
خير يا دنيا رايقالي
إيه ده شكلك ناويالي
ليه كده فجأة ضحكتيلي
يا خوفي يكون اللي في بالي
ماشية معايا ومهوّداني
هادية أوي وده اللي يوتّر
خير اللهم اجعله خير
طب ده أنا كده أقلق أكتر
ولا ده تمويه من نوع تاني
لابدالي وهتفاجئيني
ده لما بتطبطبي بيمينك
بشمالك بتناوليني
أكيد فيها إِنّ
خير يا دنيا رايقالي
إيه ده شكلك ناويالي
ليه كده فجأة ضحكتيلي
يا خوفي يكون اللي في بالي
(أكيد فيها إِنّ)
اغنية فيها إن – حمزة نمرة
Hamza Namira – Feha Enna
كلمات: محمود فاروق
ألحان: حمزة نمرة ومصطفى عامر
توزيع: جليل يافوز
المزيد من أغاني حمزة نمرة
يا روح
احكي
ومشيت
اهدى
طاير م السعادة