كلمات اغنية اتولدنا شقيانين غناء اية شعبان من الأغاني الشعبية اللي فيها تمرد وإصرار على الكفاح. الأغنية تحكي عن التعب والكرامة في مواجهة الحسد والخذلان، بكلمات فيها قوة وشجن في نفس الوقت. هنا تقدر تقرأ كلمات اتولدنا شقيانين وتشعر بروحها الحقيقية ومعناها الصادق.
كلمات اغنية اتولدنا شقيانين – اية شعبان
اسمحولي ف البداية إنّي أعرّفكم بنفسي
أنا اللّي عشت سنين لغيري ف النّهاية ظلمت نفسي
الحياة مستقصداني وكلّ يوم تدّيني درس
والوجع مخلوق عشاني قلبي واخده كأنّه ورث
لأ يا قلبي فوق لنفسك قبل ما يفوت الأوان
واللّي يغدر مرّة بيك أوعى تدّيله الأمان
عيش مفتّح وأوعى تفتح أيّ صفحة من القدام
واللّي قفّل البوّاب ف وشّك بكرة هتجيبه الأيّام
ابتلينا بناس أذتنا
كانوا هما سبب وجعنا
قبلهم كانت حياتنا
حلوة قلّبوها بدموعنا
صدمة العمر أمّا جتلي
جت من أقرب حدّ ليّا
كان ف بيتي ادّيته سرّي
واللّي قالوا مش شويّة
كتّروا الإشاعات عليّا
هاتوا كلّ عيوبكوا فيّا
بفضل أعلى وبفضل أكبر
وأنتوا تنزلوا من عينيّا
شوفت ف عيونكم لسان
عرّاكوا وفضح اللّي كان
مستخبّي جوّا منكوا
دانتوا علّمتوا الشّيطان
اتولدنا شقيانين مش على سرير من دهب
والحرام لو كلّه راحة إحنا غاوين التّعب
عنا مليانة مبنمدّش إيدينا ف يوم لحدّ
عندنا عزّة وكرامة محبوبين من طوب الأرض
إحنا وشّ الخير عليهم بسّ هما بينكروا
قلّة الأصل اللّي فيهم مهما يعلوا ويكبروا
ناس تشوفنا ف نعمة تزعل ويقولولنا إزاي وليه
وإحنا ياما يا ناس شقينا علشان نبقى ف اللّي إحنا فيه
لمّا ملقوش فينا عيب
لبّسونا يا ناس عيوبهم
وأمّا شافوا حياتنا ماشية
غلّوا واسودّت قلوبهم
افتحولي كتاب وأنا أحكي
هاتوا بحر نشف وأنا أبكي
أصل متعودتش إنّي
أمشي أقول للنّاس وأشكي
لأ منتوش حبايبنا
لا مبتحطّوش ف جيبنا
إحنا نعمل ما بدلنا
واللّي فوق اللّي يحاسبنا
ياللّي باصّينلي ف عيشتي
ياللّي بتقولوا يا بختي
نفسي تيجوا ف يوم مكاني
هتلاقوني بموت لوحدي
يا أبو السّيد الكلّ قالها أنت مش محتاج لواسطة
في الشّغلانة سمّوك بطلها شدّوا خط وألف نقطة
عمّها والباقي جنبك كلّه صفر على الشّمال
إيه شعبان جاية تقلّك إنّك أنت عمّ المجال
اغنية اتولدنا شقيانين – أية شعبان
Etwaladna Shaqyaneen – Aya Shaaban
كلمات: محمود العربي
الحان: محمود العربي
توزيع: محمد حريقه